Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

11.08.2020

Օգոստոսի 10-ին Էջմիածին համայնքից «ԵՄ կայուն էներգիայի շաբաթ-2020»-ի շրջանակներում անցկացված մրցույթներում հաղթող ճանաչված Սիրանուշ Գևորգյանը պարգևատրվեց ԵՀ «Քաղաքապետերի դաշնագիր՝ Արևելք» ծրագրի, Ծրագրի գործընկեր Հայաստանի համայնքների միության կողմից:

Սիրանուշ Գևորգյանը Ծրագրի և ծրագրի գործընկեր Հայաստանի համայնքների միության կողմից արժանացավ ֆոտոխցիկի: Նա Ծրագրի և Հայաստանի համայնքների միության կազմակերպած «Կանաչ և կայուն զարգացում» լուսանկարչական (սելֆիների) մրցույթում զբաղեցրել է մրցանակային 3-րդ տեղը:

Նշենք, որ Էջմիածին համայնքը ԵՀ «Քաղաքապետերի դաշնագիր՝ Արևելք» ծրագրին միացել է 2016 թվականին: «ԵՄ կայուն էներգիայի շաբաթ-2020»-ն այս տարի անցկացվեց հունիսի 22-26-ը: COVID-19 պանդեմիայի պատճառով «Ճգնաժամից դուրս՝ մաքուր էներգիա կանաչ վերականգնման և աճի համար» խորագրով շաբաթն այս տարի կազմակերպվեց վիրտուալ եղանակով: «Քաղաքապետերի դաշնագիր՝ Արևելք» ծրագրի կողմից «ԵՄ կայուն էներգիայի շաբաթ-2020»-ի շրջանակներում Հայաստանում կազմակերպվեցին 28 կայուն էներգիայի օրեր՝ նկարչական, լուսանկարչական, տեսանյութերի, էսսեների մրցույթներ, վեբինարներ, առցանց վիկտորինաներ, նկարահանվեցին էներգախնայողության և կայուն զարգացման մասին հոլովակներ: Հայաստանի համայնքներ միությունը համայնքներին տրամադրեց փորձագիտական և մեթոդական աջակցություն էներգիայի օրերի կազմակերպման հարցում: Վիրտուալ ձևաչափով ԵՄ կայուն էներգիայի օրեր կազմակերպվեցին Հայաստանի 16 համայնքներում: Նախաձեռնությանը միացան նաև համայնքներ, որոնք չեն անդամակցում Դաշնագրին: Ծրագիրը ֆինանսավորվում է ԵՄ կողմից և իրականացվում է Արևելյան գործընկերության 6 երկրներում: Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը: Դաշնագրին անդամակցում են Հայաստանի 26 համայնքներ:

ԵՄ Կայուն էներգիայի շաբաթ (ԵՄԿԷՇ) նախաձեռնությունը մեկնարկել է Եվրոպական հանձնաժողովի կողմից 2006 թվականին: Այդ նախաձեռնության ընթացքում աշխարհի  60 երկրներում Քաղաքապետերի դաշնագրին անդամակցող ավելի քան 10.000 համայնքներ կազմակերպում են Էներգիայի օրեր, որոնց նպատակն է համայնքների բնակչության և շահառուների իրազեկումը էներգաարդյունավետության, վերականգնվող էներգետիկ ռեսուրսների ու էներգաարդյունավետ տեխնոլոգիաների կիրառման, կանաչ զարգացման, և կլիմայի փոփոխության մեղմման ու հարմարվողականության մասին: Սովորաբար, միջոցառումների շրջանակներում կազմակերպվում են աշխատաժողովներ, ցուցահանդեսներ, պարային հանդեսներ, նկարչական մրցույթներ, բաց դռների օրեր և այլն:


ՆՈՐՈՒԹՅՈՒՆՆԵՐ

Ադրբեջանն Արցախի խաղաղ բնակչության նկատմամբ արգելված զենք է կիրառում
Ադրբեջանն Արցախի խաղաղ բնակչության նկատմամբ արգելված զենք է կիրառում

12:42

21 10 2020

Ադրբեջանը շարունակում է թիրախավորել Արցախի խաղաղ բնակավայրերը:

Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը
Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը

20:15

09 10 2020

Հոկտեմբերի 9-ին տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության...

ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը
ԵԽ Կոնգրեսի նախագահը դատապարտում է Թուրքիայում տեղական ինքնակառավարմանը հասցված հերթական հարվածը

11:21

02 10 2020

Եվրոպայի խորհրդի (ԵԽ) տեղական և տարածքային իշխանությունների կոնգրեսի նախագահ Անդերս Կնապեն իր...

Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ
Հոկտեմբերի 2-ից՝ ժամը 14:00-ից գործելու են մի շարք սահմանափակումներ և կարգավորումներ

11:08

02 10 2020

Հարգելի՛ հայրենակիցներ, ի հավելումն Հայաստանի Հանրապետության Ազգային անվտանգության...

Ադրբեջանական ագրեսիայի հետևանքները
Ադրբեջանական ագրեսիայի հետևանքները

17:00

28 09 2020

Ներկայացվող լուսանկարները փաստում են ադրբեջանական ագրեսիայի հետևանքները: