Հուլիսի 10-ին, Գավառի համայնքապետարանում կայացավ Գավառի համայնքապետարանի կողմից հայտարարված «Ճգնաժամից դուրս մաքուր էներգիա՝ կանաչ վերականգնման և աճի համար» խորագրով նկարչական, «Էներգախնայող ընտանիք» խորագրով տեսանյութի, «Կանաչ զարգացում» խորագրով ինքնանկարների (սելֆի), «Ինչպես համայնքները կարող են նպաստել կլիմայի փոփոխության հետ կապված գլոբալ մարտահրավերների լուծմանը» թեմայով շարադրությունների մրցույթների մրցանակաբաշխությունը:

Մրցանակակիրներին ԵՄ-ի կողմից հավաստագրեր ու մրցանակներ, ինչպես նաև Գավառ համայնքի ղեկավար Գուրգեն Մարտիրոսյանի կողմից հուշանվերներ հանձնեց Գավառ համայնքի ղեկավարի տեղակալ Գրիգոր Բոշյանը: Հավաստագրերի և հուշանվերների արժանացան նաև մրցույթին ակտիվ մասնակցություն ցուցաբերած մասնակիցներն ու կազմակերպությունները: Մրցանակակիրներին մասնակցության և մրցանակների արժանանալու առիթով շնորհավորեց նաև Գավառի համայնքապետարանի իրավատնտեսագիտական բաժնի գլխավոր մասնագետ, սոցիալական և «Քաղաքապետերի դաշնագիր» ծրագրի պատասխանատու Վարսենիկ Խաչատրյանը: