Հայտնի են «Լավագույն համայնք 2018» մրցանակաբաշխության հաղթողները

Հայտնի են «Լավագույն համայնք 2018» մրցանակաբաշխության հաղթողները

10.11.2018

2018-ի քաղաքային լավագույն քաղաքային համայնքը Սևանն է, իսկ լավագույն գյուղական համայնքը՝ Գառնի համայնքը:

Նոյեմբերի 10-ին տեղի ունեցավ Նոր Հայաստան-նորացված համայնքներ խորագրով ընդունելություն՝  Հայաստանում տեղական ինքնակառավարման օրվա կապակցությամբ:

Միջոցառման շրջանակներում ազդարարվեց նաև «Համայնքային առաջնորդների դասընթացների» նոր փուլի մասին, այնուհետև անցկացվեց «Լավագույն համայնք 2018» մրցանակաբաշխությունը։

2006 թվականից սկսած Հայաստանի համայնքների միությունն ու ՀՀ տարածքային կառավարման և զարգացման նախարարությունը համատեղ կազմակերպում են «Տարվա լավագույն համայնք» մրցանակաբաշխությունը, որպես համայնքների գնահատման ու խրախուսման լավ միջոց։

Հայաստանի համայնքների միության նախագահ Էմին Երիցյանն ասաց՝ մրցանակները կրկնակի արժևորվում են նրանով, որ մրցանակաբաշխությունն անցկացվում է Հայաստանում տեղական ինքնակառավարման օրը: Էմին Երիցյանն իր ելույթում նշեց. «Հայաստանում տեղական ինքնակառավարման 22-ամյա ճանապարհը հեշտ չի անցել,սակայն հաստատուն առաջ է գնացել։ Քաղաքական ու հանրային միջավայրը մշտապես փոփոխվում են, ու տեղական ինքնակառավարումը յուրաքանչյուր նման շրջափուլով անցնելուց ավելի է ամրապնդվում պետականության հիմնասյունի իր էության մեջ։ Դա ևս մեկ անգամ փաստվեց ապրիլյան հեղափոխության օրերին, երբ կաթվածահար էր պետական ողջ համակարգը, ենթակառուցվածքները, միևնույն ժամանակ, համայնքները շարունակում էին ամենօրյա ռեժիմով ապահովել ծառայությունները՝ բանակի հետ միաժամանակ այդ փուլում դառնալով երկրի կենսագործունեության երաշխավորը»։

ՀՀ տարածքային կառավարման և զարգացման փոխնախարարի պաշտոնակատար Վաչե Տերտերյանն էլ նկատեց. «Տեղական ինքնակառավարման 22 տարվա պատմությունը մի կողմից բավարար ժամանակ է խորքային եզրահանգումներ անելու համար, բայց մյուս կողմից էլ բավականին երիտասարդ տարիք է, որպեսզի հնարավոր լինի արձանագրել, որ հասել ենք նրան, ինչին  ձգտել ենք։ Մենք դեռ անելիքներ ունենք, մենք դիմանիկ զարգացող համակարգ ենք, որը շատ արագ արձագանքում է փոփոխություններին։ Մենք ունենք նաև բավական զգալի ձեռքբերումներ, կայացած թիմ, ՏԻՄ լավ մասնագետներ, որակյալ փորձագիտական հանրույթ։ Մենք պետք է կարողանանք արդյունավետորեն արձագանքել առկա խնդիրներին, եթե չարձագանքնենք համակարգում կունենանք լրջագույն խնդիրներ։ Արդեն 22 տարի մենք ունենք տեղական ժողովրդավարություն, որը մեր երկրի զարգացման հիմնասյուներից է»:

Լավագույն գյուղական համայնք ճանաչված Գառնի համայնքի ղեկավար Ահարոն Սահակյանի կարծիքով՝ նման պարգևի արժանանալը պարտավորեցնող է. «Համայնքում կատարվել է ճանապարհների լուսավորությունը, մոտ վեց կմ ջրագիծ է կառուցվել: Այս պարգևը նաև ոգևորող է քանի որ իմ կարծիքով՝ շատ աշխատանք ունենք դեռևս անելու»:

Անդրադառնալով լավագույնններին ընտրելու չափանիշներին՝ Էմին Երիցյանն ասաց, որ հաշվի է առնվել նաև այն, թե ընտրված համայնքն ինչպիսի ճանաչում ունի բնակիչների շրջանում: Նա հավելեց. «Կարող է համայնքը բավարարել չափանիշներին, աշխատանք անել, ներկայացնել թվերով, տեսանյութերով, բայց բնակչությունը չունենա այդ կարծիքը: Ուստի որպեսզի այդ դիսոնանսը չլինի, մենք բնակիչների կարծիքն էլ ենք հաշվի առել»:

«Մաքուր համայնք» անվանակարգում մրցանակ ստացան Էջմիածինն ու Գավառը, «Բարեկարգ համայնք» անվանակարգում՝ Տաշիրն ու Գորիսը, «Մշակութային լավագույն համայնքներն»  են Գյումրին ու Փարաքարը, «Տարվա նշանակալից  առաջընթաց» 2018 բոլոր խոշորացված համայնքների համար անվանակարգում մրցանակ ստացավ Ամասիա համայնքը, «Տարվա նշանակալից առաջընթաց 2018» անվանակարգում (բոլոր համայնքների համար)՝ Քասախը, Տարվա լավագույն ֆրանկոֆոն համայնքը Արտաշատն է, Տարվա երիտասարդական համայնքը՝ Սիսիանը, «Տարվա նախաձեռնություն 2018» անվականարգում հաղթող ճանաչվեց Արթիկ քաղաքը:


ՆՈՐՈՒԹՅՈՒՆՆԵՐ

«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում
«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում

12:37

07 12 2023

Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...

ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը
ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը

10:04

01 11 2023

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...

ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը
ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը

13:26

30 10 2023

Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...

ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել
ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել

19:09

26 10 2023

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...

ԵԽ Կոնգրեսի նոր նախագահ է ընտրվել Մարկ Քուլսը (Բելգիա)
ԵԽ Կոնգրեսի նոր նախագահ է ընտրվել Մարկ Քուլսը (Բելգիա)

16:11

24 10 2023

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...

Ստրասբուրգում կանցկացվի ԵԽ կոնգրեսի 45-րդ նստաշրջանը
Ստրասբուրգում կանցկացվի ԵԽ կոնգրեսի 45-րդ նստաշրջանը

23:47

22 10 2023

Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...