Վենետիկի հանձնաժողովի 110-րդ լիագումար նիստի ընթացքում, որը տեղի ունեցավ 2017թ. մարտի 10-ին, Կոնգրեսի Մոնիթորինգի հանձնաժողովի նախագահ Լին Վերբիքը ներկայացրեց Կոնգրեսի կողմից 2016թ.-ին Թուրքիայում իրականացված փաստահավաք առաքելությունը՝ այդ երկրում տեղական ընտրված ներկայացուցիչների իրավիճակի ուսումնասիրման նպատակով:

«2016թ.-ից ի վեր նշանակվել են առնվազն 55 հանձնակատարներ, և առնվազն 81 համայնքապետեր կալանավորվել են: Մեր կարծիքով առկա են Տեղական ինքնակառավարման եվրոպական խարտիայի մի քանի հոդվածների խախտումներ»,-նշեց հանձնաժողովի նախագահը՝ հիշեցնելով, որ Մոնիթորինգային հանձնաժողովի աշխատանքը Թուրքիայում օգնել է այդ զեկույցի նախապատրաստմանը: «Այս իրավիճակը գնալով զարգանում է և գնալով տագնապալի չափերի է հասնում:  Կարծես Թուրքիայում տեղական ժողովրդավարությունը հետ մղելու համաձայնեցված միտում կա, որը, մեր կարծիքով, հակասում է ոչ միայն Խարտիային, այլև հենց Թուրքիայի սահմանադրությանը,- ավելացրել է Լին Վերբիքը՝ նշելով, որ արտակարգ դեպքերում հրահանգները պետք է վերաբերվեն ռիսկային իրավիճակներին և լինեն համաչափ:-Ահա թե ինչու ենթադրելով, որ այս զեկույցի բանաձևի նախագիծը կընդունվի մարտին կայանալիք Կոնգրեսի նստաշրջանին, մենք Վենետիկի հանձնաժողովին կխնդրենք իրավական եզրակացություն նախապատրաստել այս հարցի վերաբերյալ»:

Աղբյուրը՝ http://www.coe.int/t/congress/default_FR.asp?