Եվրոպայի խորհրդի տեղական և տարածքային իշխանությունների կոնգրեսի մոնիտորինգի հանձնաժողովըն ընդունել է «Տեղական մակարդակում հանրաքվեների անցկացում» խորագրով զեկույց:

Զեկույցի հեղինակը Սլովենիան ներկայացնող պատվիրակ Վլադիմիր Պրեբիլիկն է:

Փաստաթղթով ԵԽ Կոնգրեսն ամրագրել է՝ տեղական հանրաքվեների անցկացումը կարևոր է քաղաքացիների կամարտահայտման իրավունքի իրացման առումով իրենց ամենօրյա կյանքին հուզող թեմաների վերաբերյալ:  

Ընդհանուր կանոնները պետք է համապատասխանեցվեն տեղական համատեքստին՝պաշտպանելով ազատ և արդար ընտրությունների սկզբունքները, որոնք կիրառելի են նաև հանրաքվեների համար:

ԵԽ Կոնգրեսը կարևորել է նաև տեղական իշխանությունների համար ուղեցույցների տրամադրումը, որպեսզի նրանք տեղական հանրաքվեներն անցկացնեն Եվրոպայի խորհրդի չափանիշներին համապատասխան:

Նաև մտահոգություն է հնչել տեղական հանրաքվեների՝ պոպուլիստական շարժումների կողմից չարաշահման առիթով:

ԵԽ Կոնգրեսի ընդունած բանաձևով տեղական իշխանություններին կոչ է արվում խթանել քաղաքացիների միությունները և նմանատիպ խորհրդակցական ժողովրդավարական գործիքներ ավելի շատ կիրառել, որոնք կուղեկցվեն տեղական հանրաքվեներով, որպեսզի խթանեն քաղաքացիների տեղեկացվածությունը և որոշումների կայացման գործում նրանց մասնակցությունը:

Կոնգրեսը նաև կոչ է անում քվեարկության իրավունք տալ այն անձանց, որոնք տվյալ երկրի քաղաքացի չեն, բայց վերջին հինգ տարում բնակվել են այդ երկրում: