Սեպտեմբերի 15-ին տեղի ունեցավ Եվրոպայի խորհրդի տեղական և տարածքային իշխանությունների կոնգրեսի (ԵԽ Կոնգրես) Կառավարման հանձնաժողովի նիստը:

Նիստի ընթացքում հանձնաժողովն ընդունեց «Մայրաքաղաքների կարգավիճակ» խորագրով զեկույցը: Նիստի ընթացքում զեկուցող Ամելի Տարսչիս Ինգրեն նշեց՝ այն, որ մայրաքաղաքները երկրի ժողովրդագրական, մշակութային, տնտեսական և քաղաքական կենտրոնն են, ինքնավարության տեսանկյունից մի կողմից ունի դրական, մյուս կողմից բացասական կողմեր:

Հանձնաժողովի նիստի ընթացքում ընդգծվեց մայրաքաղաքների հատուկ կարիքները հաշվի առնելու կարևորությունը, որպեսզի նրանք լինեն ճկուն, և ապահովվի նրան ինքնավարությունը:

Հանձնաժողովը կոչ է անում ապահովել ընթացակարգային երաշխիքներ մայրաքաղաքների ինքնավարությունն ապահովելու և իշխանության այլ մակարդակների միջամտության ռիսկը նվազեցնելու համար:

Հանձնաժողովի կողմից առաջարկվող միջոցառումները վերաբերում են մայրաքաղաքի վարչակազմի իրավական դաշտին, լիազորությունների հստակ բաժանմանը վարչական շրջանների միջև և դրանց իրականացման համար բավարար ռեսուրսների տրամադրմանը: Բացի այդ, եթե նախատեսվում է հատուկ կանոնադրության նախագծում, այն պետք է մշակվի Տեղական ինքնակառավարման եվրոպական խարտիայում շարադրված սկզբունքներին համապատասխան:

Զեկուցողը քննարկման ընթացքում հայտարարեց՝ պետք է նաև տրամադրվեն ընթացակարգային երաշխիքներ կառավարման տարբեր մակարդակների միջև համագործակցության համար, որը կարող է ձևակերպվել ինչպես հորիզոնական՝ հարևան քաղաքապետարանների միջև, այնպես էլ ուղղահայաց՝ կառավարության՝ ավելի բարձրաստիճան պաշտոնյաների հետ համագործակցություն:

Կարևորվեց նաև այնպիսի մեխանիզմների ներդրումը, որը կնպաստի քաղաքացիների մասնակցությունը տեղական մակարդակում որոշումների կայացման հարցում: