Երևանում տեղի կունենա Քաղաքապետերի դաշնագրի ակումբի երրորդ հանդիպումը

Երևանում տեղի կունենա Քաղաքապետերի դաշնագրի ակումբի երրորդ հանդիպումը

05.05.2022

Մայիսի 17-ին՝ ժամը 9:30, Երևանում՝ «Հոլիդեյ Ինն Երևան» հյուրանոցում (հասցե՝ Ամիրյան փողոց, 2 շենք) տեղի կունենա Հայաստանի համայնքների միության կողմից ձևավորված Քաղաքապետերի դաշնագրի ակումբի երրորդ հանդիպումը:

Քաղաքապետերի դաշնագրի ակումբը ձևավորվել է ԵՀ «Քաղաքապետերի դաշնագիր հանուն Կլիմայի և էներգիայի» նախաձեռնության ներքո և ԵՀ «Քաղաքապետերի դաշնագիր՝ Արևելք» ծրագրի շրջանակներում:

Ակումբի գործող նախագահը Սպիտակ համայնքի ղեկավար պրն Քաջայր Նիկողոսյանն է, փոխնախագահը՝ Տաշիր համայնքի ղեկավար պրն Էդգար Արշակյանը։ Նիստի ընթացքում նախատեսվում է նաև Քաղաքապետերի դաշնագրի ակումբի նախագահի և փոխնախագահի ընտրություններ։

Թեկնածությունների ներկայացման ժամկետը՝ մայիսի 12–ը ներառյալ։

Ակումբի հիմնական առաքելությունն է ամրապնդել քաղաքական երկխոսությունը տեղական իշխանությունների և համապատասխան ազգային ու միջազգային շահառուների միջև՝ նպատակ ունենալով ստեղծել բարենպաստ միջավայր համայնքներում կայուն էներգետիկ զարգացման և կլիմայի պահպանության գործողությունների ծրագրերի (ռազմավարությունների) մշակման և իրականացման համար՝ այդ թվում համայնքային ծրագրերի ֆինանսավորման և ներդրումների համար առկա խոչընդոտների քննարկման և դրանց հաղթահարման մոտեցումների նույնականացման միջոցով:

Ակումբը պետք է նպաստի բոլոր ներգրավված շահառուների միջև տեղեկատվության ու փորձի փոխանակմանը, ապահովի փոխգործակցություն համապատասխան նախաձեռնությունների, համայնքային, պետական և միջազգային ծրագրերի և գործողությունների միջև, ինչպես նաև ծառայի որպես հարթակ՝ երկրում Դաշնագրի շրջանակներում իրականացվող գործողությունների և զարգացումների քննարկման համար:

«Էներջի սիթիզ» կազմակերպության կողմից առաջնորդվող գործընկերների կոնսորցիումի շրջանակներում Հայաստանի համայնքների միությունը շահել է «Քաղաքապետերի դաշնագիր՝ Արևելք III» մրցույթը: Որպես Դաշնագրի գործընկեր կազմակերպություն՝ Հայաստանի համայնքների միությունը կարևոր դերակատարություն ունի 2022թ. հունվարին ԵՀ-ի կողմից մեկնարկած «Քաղաքապետերի դաշնագիր՝ Արևելք» ծրագրի երրորդ փուլի իրականացման հարցում:

«Քաղաքապետերի դաշնագիր՝ Արևելք» նախաձեռնությանն անդամակցած 28 համայնքներից 20-ն արդեն միացել են Դաշնագրի նոր` ավելի հավակնոտ նպատակներ թիրախավորող փուլին` Քաղաքապետերի դաշնագիր հանուն կլիմայի և էներգիայի» նախաձեռնությանը:

Նոր Դաշնագրին միացող համայնքները հանձնառություն են ստանձնում նվազեցնել արտանետումները 30%-ով մինչև 2030թ., ինչպես նաև ապահովել իրենց տարածքների կլիմայական դիմակայունությունը՝ մշակելով և մինչև 2030թ. իրականացնելով կլիմայի փոփոխության հետևանքների նկատմամբ հարմարվողականության միջոցառումներ: Առաջարկվող գործողություններն ամփոփվում են Կայուն էներգետիկ զարգացման և կլիմայի պահպանության գործողությունների ծրագրում (ԿԷԶԿՊԳԾ):

Նոր դաշնագրին միացած համայնքները հնարավորություն են ստանում օգտվել ԵՄ կողմից նոր Դաշնագրին անդամակցող համայնքների համար նախատեսված տեղեկատվական, փորձագիտական, ֆինանսական և այլ տեսակի աջակցությունից, որը տրամադրվում է տարբեր ծրագրերի, նախաձեռնությունների և ֆինանսական գործիքների միջոցով:

Նշենք, որ Քաղաքապետերի դաշնագրի ակումբի հանդիպման ընթացքում կներկայացվեն և կքննարկվեն նաև համայնքների հանձնառությունները և առաջիկա գործողությունները, Ծրագրի և Դաշնագրին անդամակցող, ինչպես նաև նախաձեռնությանը միանալու ցանկություն ունեցող համայնքների միջև համագործակցության շրջանակները:

 Օրակարգ


ՆՈՐՈՒԹՅՈՒՆՆԵՐ

Ընդունվել է Միության նոր՝ 2022-2026 Ռազմավարական պլանը
Ընդունվել է Միության նոր՝ 2022-2026 Ռազմավարական պլանը

11:19

26 05 2022

Մայիսի 24-ին Երևանում տեղի է ունեցել Հայաստանի համայնքների միության Ընդհանուր ժողովը: 

Տեղի է ունեցել Միության Ընդհանուր ժողովը
Տեղի է ունեցել Միության Ընդհանուր ժողովը

14:17

25 05 2022

Մայիսի 24-ին Երևանում շարունակվել է Հայաստանի համայնքների միության՝ մարտի 18-ին ընդհատված...

Տեղի կունենա Հայաստանի համայնքների միության Ընդհանուր ժողովը
Տեղի կունենա Հայաստանի համայնքների միության Ընդհանուր ժողովը

11:21

23 05 2022

Մայիսի 24-ին՝ ժամը 14.00-ին Երևանում՝ Դաբլ Թրի բայ Հիլթոն հյուրանոցում տեղի կունենա Հայաստանի...

«ԵՄ կանաչ նախաձեռնության շրջանակներում տեղական իշխանություններն առանցքային գործընկերներ են». Դարյա Մուստաֆայեվա
«ԵՄ կանաչ նախաձեռնության շրջանակներում տեղական իշխանություններն առանցքային գործընկերներ են». Դարյա Մուստաֆայեվա

11:55

19 05 2022

Եվրոպական հանձնաժողովի «Քաղաքապետերի դաշնագիր՝ Արևելք» ծրագրի կառավարիչ Դարյա...

«Կարևոր է, որ «Քաղաքապետերի դաշնագրի» շրջանակներում իրականացվեն օրինակելի նախագծեր, որոնք կարող են կրկնօրինակվել նաև այլ համայնքներում». Անդրեա Բաջիոլի
«Կարևոր է, որ «Քաղաքապետերի դաշնագրի» շրջանակներում իրականացվեն օրինակելի նախագծեր, որոնք կարող են կրկնօրինակվել նաև այլ համայնքներում». Անդրեա Բաջիոլի

10:02

19 05 2022

ԵՄ պատվիրակության համագործակցության բաժնի միջազգային համագործակցության պատասխանատու Անդրեա...

Երևանում անցկացվել է Համայնքային կայուն էներգետիկայի համաժողովը
Երևանում անցկացվել է Համայնքային կայուն էներգետիկայի համաժողովը

17:02

25 04 2022

Ապրիլի 25-ին «ԵՄ-ն հանուն Հայաստանի կայուն էներգիայի» (EU4ASEP) ծրագրի շրջանակներում...