Երիտասարդության միջազգային օրվա կապակցությամբ Եվրոպայի խորհրդի տեղական և տարածքային իշխանությունների կոնգրեսի՝ երիտասարդության հարցերով խոսնակ Լաուրա Լաուրոն կարևորել է սերունդների միջև համագործակցությունը։ Նա, հղում կատարելով 2022-ին Երիտասարդության միջազգային օրվա առիթով ընդունված կարգախոսին՝ «Սերունդների համերաշխություն․ ստեղծելով աշխարհը բոլոր տարիքի մարդկանց համար», շեշտել է, որ սերունդների միջև համագործակցոըւթյունը պիտի լինի ավելի ուժեղ, որպեսզի ավելի ներառական և ժողովրդավարական հասարակություն կառուցվի։

Նա հայտարարել է․ «Մեր քաղաքները, գյուղերը և ռեգիոններն ամենալավ հարթակն են ապահովում սերունդների միջև փոխգործակցության համար։ Համայնքային մակարդակում է, որ տարեցներն ու երիտասարդները կարող են համագործակցել, սովորել միմյանցից և փնտրել, գտնել հստակ լուծումներ: Սերունդներիր միջև սերտ համագործակցությունը կարող է նպաստել գոյություն ունեցող մարտահրավերներին դիմակայելու հարցում»:

Լաուրա Լաուրոն իտալական փորձից որոշ օրինակներ է բերել, երբ Քովիդ համավարակի օրերին երիտասարդները կարիքի մեջ գտնվող տարեցներին սնունդ են մատակարարել։

Կոնգրեսի խոսնակը հայտարարել է, որ սերունդների միջև համերաշխությունը պետք է կառուցվի երկու մեթոդով․ տեղական և տարածքային իշխանություններին քաջալերել, որպեսզի իրենց համայնքներում նրանք իրագործեն այս սկզբունքները, օրինակ՝ հիմնեն երիտասարդական խորհուրդներ և իրականացնեն մենթորական ծրագրեր երիտասսրադ քաղաքական գործիչների համար։