«Տեղական և տարածքային իշխանությունների կոնգրեսը (ԵԽ կոնգրես) պաշտպանում է պետական մարմինների կողմից խորհրդակցական ժողովրդավարության ավելի լայն կիրառումը՝ մասնավորապես քաղաքացիների հավաքների, հանրաքվեների կամ քաղաքացիների ուղղակի մասնակցության այլ թույլատրելի ձևերով»,- «Ավելի բարձր ձայն քաղաքացիներին՝ քվեատուփից այն կողմ» խորագրով ժողովրդավարության համաշխահային ֆորումի ընթացքում հայտարարել է ԵԽ կոնգրեսի փոխնախագահ Կարլ Լամբերտը:

Տեղեկացնենք՝ ԵԽ կոնգրեսը պատրաստում է զեկույց «Խորհրդակցական ժողովրդավարությունը տեղական մակարդակում» թեմայով:

Այս զեկույցը կապահովի հետադարձ կապ տեղական իշխանությունների կողմից խորհրդակցական ժողովրդավարության մոդելների

իրականացման հարցում և նպատակ ունի կիսել լավ փորձն ու խրախուսել քաղաքացիների մասնակցությունը այն ժամանակ,

երբ մարդիկ չեն վստահում պետական մարմինների գործողություններին: ԵԽ կոնգրեսի փոխնախագահը փաստել է՝

տեղական ժողովրդավարության պաշտպանությունն ու կիրառումը Տեղական ինքնակառավարման եվրոպական խարտիայի հիմնադրույթներից է:

Նա նշեց, որ քաղաքական որոշումների կայացման գործընթացներում քաղաքացիների ուղիղ ներգրավվածության բազմաթիվ հաջողված

օրինակներ կան ու շեշտեց՝ որոշումների կայացման գործընթացում

քաղաքացիների ներգրավումը ևս մեկ գործիք է ամրապնդելու տեղական ժողովրդավարությունը: