Նոյեմբերի 16-ին Գավառում ԵՄ Կայուն էներգետիկ շաբաթվա շրջանակներում ԵՀ «Քաղաքապետերի դաշնագիր՝ Արևելք» ծրագրի ներքո Հայաստանի համայնքների միության, Գավառի, Սևանի և Մարտունու համայնքապետարանների հետ համատեղ անցկացվեց «Կանաչ և կայուն զարգացում» խորագրով ինտելեկտուալ խաղ։

Միջոցառմանը մասնակցեցին 10 թիմեր, որոնք ներկայացնում էին Սևան համայնքի Խ. Աբովյանի անվան ավագ դպրոցը, Լճաշեն բնակավայրի Ա. Տեր-Գրիգորյանի անվան միջնակարգ դպրոցը, Դդմաշեն բնակավայրի միջնակարգ դպրոցը, Գավառի ավագ դպրոցը, Գավառի պետական բժշկական քոլեջը, Գավառ համայնքի Պ.Ղանդիլյանի անվան N2 միջնակարգ դպրոցը, Գավառի երիտասարդների տունը, Մարտունու Տ․Աբրահամյանի անվան ավագ դպրոցը, Վարդենիկի կրթահամալիրը։

Խաղի ընթացքում մասնակիցներին տրվեցին շուրջ 60 հարցեր տարբեր թեմաներով, ինչպիսիք են էկոլոգիան, կլիմայի փոփոխությունը, ջերմոցային գազերը, շրջակա միջավայրը, աշխարհագրությունը, վերականգնվող էներգիան և էներգաարդյունավետությունը, ֆիզիկան, քիմիան և այլն:

Միջոցառման նպատակն էր ոչ միայն բացահայտել ամենաուժեղ թիմերին, այլև բարձրացնել մասնակիցների իրազեկվածությունը կլիմայի փոփոխության, դրա հետևանքների դեմ պայքարի և կայուն զարգացման հիմնական սկզբունքների մասին:

Բացի այդ մասնակիցները կարողացան ձեռք բերել ինտելեկտուալ խաղերի կազմակերպման և մասնակցելու փորձ, որը կկարողանան կիրառել ԵՄ կայուն էներգիայի օրերի շրջանակներում նմանատիպ միջոցառումներ նախաձեռնելու համար։

Վեց փուլերի արդյունքներով մրցանակային տեղերը զբաղեցրել են հետևյալ դպրոցների աշակերտները.

 Առաջին տեղ՝ Գավառի ավագ դպրոց

 Դոնարա Գրիգորյան

 Անի Կուռոյան

 Լևոն Կուռոյան

 Էմմա Մանուկյան

Կարինա Բոյախչյան

Երկրորդ տեղ՝ Սևան համայնքի Խ. Աբովյանի անվան ավագ դպրոց

Տիգրան Ստեփանյան

Արփի Անտոնյան

Գոհար մանուկյան

Գարիկ Մարգարյան

Կամո Մելոյան

Երրորդ տեղ՝ «Գավառի երիտասարդների տուն»

Սյուզաննա Իսրայելյան

Միլենա Հարությունյան

Լուսինե Դավթյան

Արփինե Կիրակոսյան

Արամե Օհանյան

Ծրագրի անունից հաղթողները ստացան սպորտային ապրանքներ և գրքեր գնելու նվեր քարտեր, ինչպես նաև պատվոգրեր։ Նվերների են արժանացել նաև մրցանակային տեղեր չզբաղեցրած մասնակիցները։