Էկոտուրիզմի զարգացում, զբոսայգու, համայնքի վարչական շենքի բարեկարգում. ներկայացվեցին Արագածոտնի մարզի՝ ԵՄ դրամաշնորհային ծրագրերը
18.05.2021
Մայիսի 18-ին տեղի ունեցավ «Քաղաքացիների ձայնն ու գործողությունները Հայաստանի խոշորացված համայնքներում» ծրագրի շրջանակներում Արագածոտնի մարզում իրականացված ենթադրամաշնորհային ծրագրերի ներկայացմանը նվիրված մարզային առցանց հանդիպում:
Մասնակցում էին ՀՀ տարբեր խոշորացված համայնքների ներկայացուցիչներ:
Հանդիպման ընթացքում ներկայացվեցին «Քաղաքացիների ձայնն ու գործողությունները Հայաստանի խոշորացված համայնքներում» ծրագրի շրջանակներում ՀՀ Արագածոտնի մարզի Ապարան, Ծաղկահովիտ, Արագածավան համայնքներում իրականացված համայնքային ծրագրերը:
«Քաղաքացիների ձայնն ու գործողությունները Հայաստանի խոշորացված համայնքներում» ծրագիրն իրականացնում է «Համայնքների ֆինանսիստների միավորումը» (ՀՖՄ) «Հայաստանի համայնքների միության» (ՀՀՄ) և «Տեղական ժողովրդավարության գործակալությունների ասոցիացիայի» (ԱԼԴԱ) հետ համատեղ: Ծրագիրը ֆինանսավորում է Եվրոպական միությունը:
Ծրագրի նպատակն է ընդլայնել խոշորացված համայնքների կարողությունները մարդակենտրոն և կայուն տեղական զարգացմանն ուղղված ծրագրերի մշակման հարցում: Այն նաև միտված է վեր հանել համայնքների ոչ բավարար կարողությունների խնդիրը՝ տեղական զարգացումը կայուն, մասնակցային և հաշվետու ձևով խթանելու, կառավարության բարեփոխումներին աջակցելու և դրանց հետ կապված տարբեր մարտահրավերներ բարձրաձայնելու համար։
Նշենք, որ հաջորդաբար այսպիսի քննարկումներ տեղի կունենան նաև Շիրակի և Տավուշի մարզերում իրականացված ծրագրերի մասին:
Առցանց հանդիպումների նպատակն է համայնքների համար ստեղծել փորձի փոխանակման հնարավորություն, մոտիվացնել մյուս համայնքներին, իրականացված ծրագրերի, գաղափարների կրկնօրինակման հիմքը դնել, դրանք վերածել միջհամայնքային, ինչպես նաև պետական ծրագրերի:
ԵՄ դրամաշնորհային ծրագրերի ներկայացումից հետո Տեղական ժողովրդավարության գործակալությունների ասոցիացիայի (ԱԼԴԱ) ծրագրերի համակարգող Հյուսիսային Մակեդոնիայի Սկոպյե քաղաքը ներկայացնող Կատիցա Յանեվան նեկայացրեց տուրիզմի զարգացման փորձը ԵՄ համայնքների օրինակով:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ