Communities Association of Armenia

Քյոլն քաղաքի քաղաքապետ Հենրիետե Ռեքերը՝ Պավել Ադամովիչի անվան մրցանակակիր

01.02.2022

Գերմանիայի Քյոլն քաղաքի քաղաքապետ Հենրիետե Ռեքերին շնորհվել է Գդանսկի քաղաքապետ Պավել Ադամովիչի անվան Պավել Ադամովիչ մրցանակը:

Մրցանակաբաշխությունը կայացել է Բրյուսելում՝ Եվրոպական Ռեգիոնների կոմիտեի լիագումար նիստի ընթացքում: Հենրիետե Ռեքերն առաջին քաղաքապետն է, որ արժանանում է այս մրցանակին:

Հենրիետե Ռեքերը պարգևատրվել է իր կատարած աշխատանքի համար, որն ուղղված է հավասարութանը, ազատությանը, համերաշխությանը և բազմազանությանը: ԵԽ տեղական և տարածքային իշխանությունների կոնգրեսի նախագահ Լինդերտ Վերբիկը հայտարարել է. «Քաղաքապետ Ռեքերը, որը 2015 թվականին դանակահարվեց միգրանտներին օգնելու համար, տեղական և տարածքային ընտրված ներկայացուցչի խիզախ օրինակ ցույց տվեց բոլորիս: Մենք բոլորս պետք է պաշտպանենք մարդու իրավունքները, ժողովրդավարությունը և օրենքի գերակայությունը մեր ամենօրյա աշխատանքում՝ չհանձնվելով ճնշումներին, ահաբեկումներին և սպառնալիքներին»:

Կոնգրեսի նախագահը ցավով նշել է, որ ճնշումներն ու հարձակումները ընտրված պաշտոնյաների նկատմամբ աճել են:

ՆՈՐՈՒԹՅՈՒՆՆԵՐ

Հայաստանի համայնքների միության գլխավոր տնօրեն Արմեն Հարությունյանը մասնակցել է «Միջհամայնքային համագործակցության մասին» ՀՀ օրենքի նախագծի քննարկմանը