Փետրվարի 11-ին Ֆրանսիայի Մեց քաղաքում կանցկացվի Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) Մոնիտորինգի հանձնաժողովի նիստը: Ողջույնի խոսքով հանդես կգան Մեց քաղաքի քաղաքապետ Դոմինիկ Գրոսը և Մոնիտորինգի հանձնաժողովի անդամ Ժան Պիեռ Լյուվիլը:

Մոնիտորինգի հանձնաժողովի նիստում մի շարք զեկույցների շարքում քննարկման է դրված նաև Հայաստանում Տեղական ինքնակառավարման եվրոպական խարտիայի կիրառման վերաբերյալ մշտադիտարկման զեկույց: Այսպիսի զեկույց Մոնիտորինգի հանձնաժողովի քննարկմանն է դրված նաև Թուրքիայի վերաբերյալ:

Մոնիտորինգի հանձնաժողովի նիստում կքննարկվի նաև Լատվիայում տարածքային բարեփոխումների մասին փաստահավաք զեկույցը:

Մոնիտորինգի հանձնաժողովի նիստի օրակարգում ներառված է նաև Մոլդովայում 2019 թվականի հոկտեմբերի 20-ին տեղի ունեցած տեղական ինքնակառավարման մարմինների ընտրությունների դիտորդական առաքելությունների մասին զեկույցը:

Մոնիտորինգի հանձնաժողովի անդամները նաև կուսումնասիրեն Տեղական ինքնակառավարման եվրոպական խարտիայի բացատրական զեկույցը:

Մոնիտորինգի հանձնաժողովն այս զեկույցների հետ կապված կմշակի առաջարկներ և բանաձևեր, որոնք քննարկման կդրվեն ԵԽ Կոնգրեսի գարնանային նստաշրջանին, որը կանցկացվի մարտի 17-19-ը Ստրասբուրգում: