ՀՀ համայնքների համար համագործակցության նոր հնարավորությունների քննարկում՝ Սահմանային ծովային տարածաշրջանների համաժողովի (CPMR) ներքո
04.11.2021
Հայաստանի համայնքների միության նախագահ Էմին Երիցյանը նոյեմբերի 3-ին մասնակցել է Սահմանային ծովային տարածաշրջանների համաժողովի (CPMR) Բալկանյան և սևծովյան հանձնաժողովի անդամների առցանց հանդիպմանը:
CPMR- ի Բալկանյան և Սևծովյան հանձնաժողովը (BBSC) ներկայումս միավորում է Հունաստանի, Թուրքիայի, Ռումինիայի, Բուլղարիայի, Ուկրաինայի, Ալբանիայի և Վրաստանի 20 տարածաշրջաններ: Հայաստանի ռեգիոնները հանձնաժողովում ներգրավված չեն, ուստի հանդիպման նպատակն էր նաև քննարկել ՀՀ համայնքների հետ հնարավոր համագործակցության ուղիները: Բալկանյան և Սևծովյան հանձնաժողովը (BBSC) Մշակութային և ստեղծարար տարածաշրջանային էկոհամակարգերի (CCRE-S3) համանախագահն է: Այս հարթակի նպատակն է մշակել նոր պատկերացումներ և հնարավորություններ՝ կապված համայնքների և բնակիչների համար մշակութային ու ստեղծարարական փորձի հետ` ներգրավելով մի քանի մասնագիտական խմբերի, որոնք մշակութային և ստեղծարարական արդյունաբերության ոլորտում նոր տեխնոլոգիաներ են կիրառում:
Առցանց հանդիպման ընթացքում քննարկվել են համագործակցության ձևաչափեր, ոլորտներ, համատեղ դրամաշնորհային ծրագրեր ներկայացնելու հնարավորություններ:
Հայաստանի համայնքների միության նախագահ Էմին Երիցյանը ներկայացրել է Միության կառուցվածքը, գործունեության հիմնական ոլորտները, նպատակները: Նաև ներկայացրել է Հայաստանում տեղական ինքնակառավարման ոլորտը, ներկայումս ՏԻՄ ոլորտում տեղի ունեցող փոփոխությունները:
Էմիհն Երիցյանը Միության և նրա անդամների անունից պատրաստակամություն է հայտնել ներգրավվածություն ունենալ Մշակութային և ստեղծարար տարածաշրջանային էկոհամակարգերի հարթակում՝ տրամադրելով փորձագիտական աջակցություն, ներգրավելով նաև Միության մարդկային ռեսուրսները:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ