«Ապագան, որ ուզում ենք- 2045. ապագան՝ ընդհանուր ուժերով» թեմայով առցանց քննարկում-համաժողով
21.04.2020
Ապրիլի 21-ին Միավորված ազգերի կազմակերպության (ՄԱԿ) 75-ամյակի կապակցությամբ անցկացվում է «Ապագան, որ ուզում ենք-2045» թեմայով առցանց քննարկում-համաժողով:
Առցանց համաժողովի նախաձեռնությունը ՄԱԿ-ինն է, որի շրջանակներում ՄԱԿ-ի խնդրանքով Միավորված քաղաքների ու տեղական իշխանությունների համաշխարհային կազմակերպությունը (UCLG) կպատրաստի տեղական և տարածաշրջանային ղեկավարների ապագա մարտահրավերների և ապագայի տեսլականի մասին զեկույց: Զեկույցում ներառված կլինի աշխարհի տարբեր ռեգիոնների ներկայացուցիչների և տեղական ինքնակառավարման մարմինների տեսլականն այս հարցերի շուրջ:
Զեկույցը կպատրաստվի առցանց քննարկման արդյունքների հիման վրա: Առցանց համաժողովին մասնակցում են տեղական ինքնակառավարման մարմինների ասոցիացիաների ներկայացուցիչներ: Նրանք իրենց ներդրումը կունենան փաստաթղթի ձևավորման հարցում:
Զեկույցի հիմնական ուղերձը, որը ՄԱԿ-ի Միավորված քաղաքների ու տեղական իշխանությունների համաշխարհային կազմակերպությունը ցանկանում է հասանելի դարձնել, հիմնված է հետևյալ հիմնական գաղափարների վրա.
2020 թ. ժամանակակից միտումները և խնդիրները
1. Ժամանակակից թրենդները (ինչպես դրական, այնպես էլ բացասական) և դրանց ազդեցությունը տեղական ինքնակառավարման մարմինների աշխատանքի վրա: Ինչպիսի՞ թրենդներն են ձևավորում ներկայիս միջազգային համակարգի ընդհանուր բնութագիրը:
2. Ո՞րն է տեղական ինքնակառավարման մարմինների դերակատարությունը համընդհանուր համաձայնագրերի իրականացման գործում: Արդյոք համընդհանուր համաձայնագրերի իրագործումը կախվա՞ծ է ՄԱԿ-ի անդամ պետությունների տեղական իշխանությունների համատեղ գործողություններից:
Աշխարհը, որը մենք տեսնում ենք 2045 թվականին:
1.Ինչպե՞ս կփոփոխվեն ներկայիս միտումները մինչև 2045 թվականը: Արդյոք լուծված կլինե՞ն 2020 թվականի համընդհանուր խնդիրները: Ի՞նչ ժամանակակից թրենդներ կունենան ազդեցություն ապագայի վրա:
2. Արդյոք տեղական և տարածքային իշխանություններն այն օղակնե՞րն են, որտեղ տեղի են ունենում փոխակերպումներ:
3. Ինչպիսի՞ կառավարում է անհրաժեշտ փոխկապակցված ապագա ունենալու համար
-Տեղը համընդհանուր սեղանի շուրջ
-Միջազգային համակարգի վերաձևակերպում միջքաղաքային համակարգի
-Ներքևից վերև կառավարում (bottom up) և սուբսիդիարության սկզբունք
-Բազմաստիճան և ներառական կառավարում
-Պլանավորման ինտեգրված մոտեցում
-Գյուղերի և քաղաքների միջև փոխկապակցվածություն
-Մասնակցություն որոշումների կայացմանը
-Սոցիալական արդարության, հավասարության, ժողովրդավարության և կայունության սկզբունքները
Կառուցվածքային առաջխաղացում, որը մենք ցանկանում ենք տեսնել
1.Կառավարման ի՞նչ նոր մոդել թույլ կտա մեզ իրագործել գլոբալ համաձայնագրերի տեղայնացումը:
Չնայած նրան, որ միջազգային համաձայնագրերի սկզբունքները, նպատակներն ու ուղերձները համընդհանուր են, այնուամենայնիվ, դրանց կյանքի կոչումն առաջին հերթին կախված է ազգային մակարդակներում կոնկրետ գործողություններից: Կայուն զարգացման նպատակների տեղայնացման գործընթաց ձևավորում է Օրակարգ 2030-ը՝ ընդհանուրից դեպի մասնավոր մոտեցում, կոնկրետ տարածքների կայուն զարգացում:
2. ՄԱԿ-ի նորացված համակարգում ինչպե՞ս ենք մենք պատկերացնում տեղական իշխանությունների տեղը:
Ներկայումս ՄԱԿ-ի կառուցվածքում տեղական իշխանությունները ներկայացված չեն: Բոլոր որոշումները կայացվում են ազգային կառավարությունների կողմից:
3. Ինչպիսի՞ գործիքակազմ պետք է ստեղծվի տեղական իշխանությունների համար, որպեսզի նրանք կարողանան նոր համակարգում իրացնել իրենց դերակատարությունը:
Քննարկմանը Հայաստանից մասնակցում էր UCLG-ի (Միավորված քաղաքների ու տեղական իշխանությունների համաշխարհային կազմակերպություն) Համաշխարհային խորհրդի անդամ, Հայաստանի համայնքների միության նախագահ Էմին Երիցյանն: Նա հանդես եկավ բազմաթիվ առաջարկներով։
Տեղեկացնենք, որ քննարկումները կշարունակվեն միջազգային հարթակներում, նաև Հայաստանի համայնքների միության կողմից։
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ