Անցկացվեց «COVID-19 համաճարակի ֆինանսական և տնտեսական ազդեցությունը համայնքների վրա» թեմայով հեռավար քննարկում
17.04.2020
Հայաստանի համայնքների միության նախաձեռնությամբ անցկացվեց «COVID-19 համաճարակի ֆինանսական և տնտեսական ազդեցությունը համայնքների վրա» թեմայով հեռավար քննարկում:
Մասնակից փորձագետները, տեղական իշխանությունների ներկայացուցիչները քննարկեցին, թե համաճարակն ու արտակարգ դրությունն ինչ ազդեցությունն են ունենում իրենց գործունեության վրա։
Հայաստանի համայնքների միության նախագահ Էմին Երիցյանը տեղեկացրեց՝ քննարկման նպատակն է հասկանալ, թե ինչ մարտահրավերներ են ծառանում տեղական իշխանությունների համար, միջնաժամկետ ու երեկարաժամկետ ինչ հետևանքներ կարող է ունենալ համաճարակը համայնքների բյուջեների վրա, ինչ նոր կարիքներ են առաջանում։
Քննարկման մասնակիցները ներկայացրին, թե ինչ իրավիճակ է տիրում իրենց համայնքներում՝ նշելով, որ արդեն նկատելի են համավարակի բացասական հետևանքները: Քննարկման մասնակիցները փաստեցին՝ պետք է վերլուծել և գնահատել համաճարակի ազդեցությունը համայնքային բյուջեների, համայնքային ծառայությունների մատուցման, համայնքների հետագա ծրագրերի վրա։ Փորձագետների կողմից կարծիքներ հնչեցին վերանայել համայնքների զարգացման ծրագրերը, դրանց առաջնահերթությունները, գնահատել հետագայում առաջացող ռիսկերը:
Կարևորվեց համաճարակի միջնաժամկետ և երկարաժամկետ ազդեցությունների կանխատեսումը, քաղաքականությունների վերանայման անհրաժեշտությունը։
Հեռավար քննարկման ընթացքում տեղական ինքնակառավարման մարմինների ներկայացուցիչները տեղեկացան նաև, թե տարբեր միջազգային կազմակերպություններ ինչ ֆինանսական հատկացումներ են անում և ինչպես կարելի է դրանց դիմել:
Մասնավորապես տեղեկացան, որ ՄԱԿ-ի Կապիտալ զարգացման հիմնադրամը (UNCDF) հրապարակել է տեղական իշխանությունների համար պատրաստված «Արձագանքման միջոցառումները COVID-19 կորոնարվիրուսային պանդեմիայի հետ կապված արտակարգ իրավիճակում» ուղեցույցը:
Փաստաթուղթն ունի խորհրդատվական բնույթ, պարունակում է հիմնական (ընդհանուր) տեղեկատվություն և կարող է հարմարեցվել հատուկ հանգամանքներին կամ իրավիճակներին: Փաստաթղթում նշվում է նաև տեղական իշխանությունների սկզբունքային դերակատարության մասին:
Առցանց հանդիպման ամփոփիչ հատվածում որոշվեց շարունակել աշխատանքները առաջ եկած խնդիրների վերլուծության ու մարտահրավերներին արձագանքման գործողությունների պլանի շուրջ։
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ