Փետրվարի 18-ին տեղի է ունեցել Եվրոպայի խորհրդի տեղական և տարածքային իշխանությունների կոնգրեսի (Կոնգրես) կողմից՝ Բաց կառավարման գործընկերության հետ համատեղ (ԲԿԳ) անցկացվող տարածաշրջանային կլոր սեղան-քննարկումը՝ Բաց կառավարում և նորարարություն. տեղական իշխանությունները գործում են թեմայով:

Այս կլոր սեղան-քննարկումը հաջորդել է 2021 թվականի Բաց կառավարման գործընկերության գլոբալ գագաթաժողովին և նոր տեղական ինքնակառավարման մարմինների՝ ԲԿԳ–ի տեղական ծրագրում ընդգրկվելու գործընթացին։

Միջոցառմանը Հայաստանի, Վրաստանի, Մոլդովայի և Ուկրաինայի տեղական մակարդակում որոշում կայացնող անձինք քննարկել են կայուն գործընկերության ռազմավարությունները։ Կարևոր է նշել, որ կլոր սեղան քննարկման արդյունքները մեծապես կաջակցեն Կոնգրեսի հետագա աշխատանքներին տարածաշրջանում՝ համապատասխանելով 2021–2025 թթ․վերջինիս առաջնահերթություններին և Եվրոպայի Խորհրդի գործողությունների ազգային ծրագրերին։

Այսպիսով, Կոնգրեսն աջակցում է Հայաստանին, Վրաստանին, Մոլդովային և Ուկրաինային տեղական մակարդակում երկխոսության և նորարար լուծումների համատեղ ստեղծման գործում: