Ապրիլի 21-ը ՌԴ-ում նշվում է որպես Տեղական ինքնակառավարման օր: Այն երկրում նշվում է 2013 թվականից:

Ինչպես նշված է ՌԴ նախագահի որոշման մեջ՝ երկրում Տեղական ինքնակառավարման օրը նշելու նպատակն է «բարձրացնել տեղական ինքնակառավարման համակարգի դերն ու նշանակությունը, զարգացնել ժողովրդավարությունը և քաղաքացիական հասարակությունը»:

Որպես Ռուասատանում տեղական ինքնակառավարման օր՝ ապրիլի 21-ի ընտրությունը պատահական չէ: Դեռ 1785 թվականին՝ ապրիլի 21-ին, Եկատերինա 2-րդի կողմից այս օրը ստորագրվում էին «Արժանիքի վկայագրեր», որոնք տրվում էին քաղաքներին արժանապատիվ աշխատանքի համար : Հենց վկայագիր տալու ավանդույթն էլ ըստ էության հիմք դրեց ՌԴ-ում տեղական ինքնակառավարման մասին օրենսդրության զարգացմանը:

Տեղական ինքնակառավարման հետագա զարգացումը կապված է Ալեքսանդր 2-րդի հողային և քաղաքային ռեֆորմների հետ:

1917 թվականի հեղափոխությունից հետո տեղական ինքնակառավարման գաղափարը մոռացվել էր մինչև 1980-ականները, երբ երկրում սկսվեցին պետական իշխանության բարեփոխումներ: Եվ արդեն 1993-ին ընդունված ՌԴ Սահանադրությամբ սահմանվեց տեղական ինքնակառավարման ինքնուրույնությունը: Այս համակարգը ՌԴ-ում զարգանում և բարեփոխումների է ենթարկվում մինչև այսօր: