Տաշիր, Կարմիր Աղեկ և Այգեպատ համայնքները կստանան Եվրոպայի խորհրդի դրամաշնորհ էթիկայի և թափանցիկության շուրջ տեղական նախաձեռնություններին աջակցելու համար

Ստրասբուրգ, Ֆրանսիա։ Սույն թվականի մարտի 1-2-ին Ֆրանսիայի Ստրասբուրգ քաղաքում ՀՀ Տաշիր, Այգեպատ և Կարմիր Աղեկ համայնքների ղեկավարները, Հայաստանի համայնքների միության գործադիր տնօրեն Նատալյա Լափաուրիի գլխավորությամբ, “ԵՄ- Եվրոպայի խորհուրդ համագործակցության 2015-2017թթ.”  թեմատիկ ծրագրի շրջանակներում մասնակցեցին աշխատաժողովի:

2016թ.-ի նոյեմբերին Եվրոպայի խորհրդի Տեղական և տարածքային իշխանությունների կոնգրեսը հայտարարեց փոքր դրամաշնորհային ծրագրերի հայտամրցույթ Արևելյան գործընկերության երկրներում (Հայաստան, Վրաստան,Ադրբեջան, Մոլդովա, Ուկրաինա և Բելառուս), որի արդյունքում Հայաստանի երեք համայնքների` Տաշիրի, Կարմիր Աղեկի և Այգեպատի ներկայացրած ծրագրերը տեղական էթիկայի և թափանցիկության վերաբերյալ ճանաչվեցին հաղթող: Երկօրյա նիստի ընթացում տեղի ունեցան կլոր սեղան քննարկումներ համայնքապետերի և ասոցիացիաների ղեկավարների մասնակցությամբ, հաղթող ծրագրերի պրեզենտացիաներ և դրամաշնորհային պայմանագրերի ստորագրման արարողությունը:

Նկարները հասանելի են այստեղ՝ https://www.flickr.com/photos/congress-of-local-and-regional-authorities/sets/72157680982056635/with/33222999815/