«Տեղական և տարածքային իշխանությունների պարտավորությունն է խթանել քաղաքացիների մասնակցությունը որոշումների կայացման գործընթացում». ԵԽ կոնգրեսի զեկուցող Թոմաս Անդերսոն
07.05.2020
«Քաղաքացիական մասնակցությունը որոշումների կայացման գործընթացում միջազգային համաժողովին» , որն անցկացվեց մայիսի 6-ին, Եվրոպայի խորհրդի տեղական և տարածքային իշխանությունների կոնգրեսի զեկուցող Թոմաս Անդերսոնը կարևորեց համայնքի բնակիչների, մասնավորապես երիտասարդների մասնակցությունը որոշումների կայացման գործընթացում:
Նա իր ելույթում նշեց. «Տեղական և տարածքային իշխանություններն ունեն պարտավորություն խթանել քաղաքացիների, մասնավորապես երիտասարդների մասնակցությունը որոշումների կայացման գործընթացում: Նրանց պարտականությունն է հետևել՝ արդյոք իրենց համայնքի բնակիչները բավարար չափո՞վ են ներգրավված այս գործընթացում»:
ԵԽ Կոնգրեսի զեկուցողը շեշտեց՝ քաղաքացիների մասնակցությունը պետք է ապահովվի կառավարման բոլոր մակարդակներում՝ սկսած խորհրդակցությունների մասին իրազեկվածությունից մինչև երկխոսություն և վերջապես գործընկերություն, որը նշանակում է պատասխանատվության կիսում կառավարությունների և քաղաքացիական հասարակության կողմից: Նա մասնավորապես նշեց. «Տեղական մակարդակում գործընկերության խթանումն ու զարգացումը հատկապես օգտակար է այն հարցում, որ դա հնարավորություն է տալիս համայնքի բնակիչներին ուղիղ կապով աշխատել և համագործակցել տեղական ինքնակառավարման մարմնի հետ»: Նա կարևորեց նաև տեղական ինքնակառավարման մարմինների կողմից կառավարման գործընթացում երիտասարդների մասնակցության խթանումը, որը կնպաստի նրանց օգտագործել իրենց բոլոր կարողությունները՝ որպես հասարակության լիարժեք անդամ:
ԵԽ զեկուցողը վկայակոչեց «Որոշումների ընդունման գործընթացում քաղաքացիների մասնակցության լավագույն փորձը» փաստաթուղթը, որն ընդունվել է Կոնգրեսի և ԵԽ Միջազգային ՀԿ-ների համաժողովի կողմից: Այստեղ ներկայացված են այն գործողությունները, որոնք կարող են խթանել քաղաքացիական մասնակցությունը: Սա օգտակար փաստաթուղթ է հատկապես տեղական իշխանությունների համար, որտեղ նրանք կգտնեն գործիքներ, որոնց կիրառման շնորհիվ ավելի արդյունավետ կարող են համագործակցել քաղաքացիական հասարակության ներկայացուցիչների հետ՝ օգտագործելով եվրոպական լավագույն փորձը:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ