Փետրվարի 12-ին Հայաստանի մի շարք համայնքներում տեղի են ունեցել ՏԻՄ-երի ընտրություններ։ Մասնավորապես՝ Նուռնուսում (Կոտայքի մարզ), Վարդավանքում (Սյունիքի մարզ), Ախուրիկում (Շիրակի մարզ), Վարդանաշենում (Արմավիրի մարզ), Վերին Բազմաբերդում (Արագածոտնի մարզ), Նոյակերտում (Արարատի մարզ) և Արևիկում (Շիրակի մարզ)։

Նուռնուս համայնքում Գևորգյան Մնացականի համար քվեարկել է 206 հոգի, Մկրտչյան Աստղիկի համար՝ 97։ Վարդավանք համայնքում առաջադրվել է մեկ թեկնածու՝ Թորոսյան Համլետը, ով ստացել է 13 ձայն։ Գասպարյան Վարդիթերն ու Պողոսյան Հովհաննեսն առաջադրվել էին Ախուրիկ համայնքում։ Նրանք համապատասխանաբար հավաքել են 262 և 277 ձայն։ Մեկ թեկնածու է եղել նաև Վարդանաշեն համայնքում, որտեղ Մանուկյան Արթուրը ստացել է 304 ձայն։ Վերին Բազմաբերդ համայնքում Գրիգորյան Գրիշան ստացել է 127 ձայն, իսկ Սաֆարյան Արտաշեսը՝ 145։

Նոյակերտ համայնքի թեկնածուներից Հարությունյան Հովհաննեսը ստացել է 691 ձայն, իսկ Սարգսյան Էդվարդը՝ 52։ Արևիկ համայնքում առաջադրվել էին 3 թեկնածու։ Թեկնածուներից Թումիկյան Դավիթը ստացել է 240 ձայն, Հարությունյան Համլետը՝ 87, իսկ Մելքոնյան Վարդկեսը՝ 526։

Հայաստանի Համայնքների Միության աշխատակազմը շնորհավորում է նորընտրիր համայնքների ղեկավարներին և մաղթում հաջողություններ։

Աղբյուրը՝ http://www.elections.am