Հայ-ֆրանսիական ապակենտրոնացված համագործակցության 4-րդ համաժողովի ընթացքում անցկացվել է «Տուրիզմ» աշխատաժողովը
18.07.2022
Հունիսի 29-30-ին Ֆրանսիայի Լիոն քաղաքում տեղի է ունեցել հայ-ֆրանսիական ապակենտրոնացված համագործակցության 4-րդ համաժողովը: Համաժողովի ընթացքում կազմակերպված աշխատաժողովները յուրահատուկ հարթակ էին հայ և ֆրանսիական համայնքների ներկայացուցիչների երկխոսության, ծրագրային գաղափարների փոխանակման, ինչպես նաև տարաբնույթ թեմաների քննարկման համար։
«Տուրիզմ» աշխատաժողովի ժամանակ քննարկվել է, թե ինչպես կարող է քայլարշավային զբոսաշրջության զարգացման շուրջ նախագիծը դառնալ տեղական զարգացման, ջանքերի միավորման եւ համագործակցության միջոց Ֆրանսիայում եւ Հայաստանում։
Քննարկման մասնակիիցները դիտարկել են զբոսաշրջությունը որպես տեղական, սոցիալական, կայուն զարգացման գործիք։
Անդրադարձ է կատարվել տնտեսական, ինստիտուցիոնալ եւ քաղաքացիական հասարակության դերակատարների համատեղ աշխատանքին՝ միջհամայնքային աշխատանք- քաղաք-գյուղ կապերին, քայլարշավային տուրիզմի զարգացման հեռանկարներին։ Գրենոբլի եւ Սեւանի քաղաքապետարանների համատեղ ներկայացման ժամանակ քննարկվել է քաղաք-գյուղ համագործակցության տրամաբանության հեռանկարները, Վիենի եւ Գորիսի քաղաքապետարանների ներկայացման դեպքում անդրադարձ է կատարվել, թե ինչպես կարող է զբոսաշրջային գրավիչ քաղաքը զարգացման վեկտոր դառնալ շրջակա գյուղական բնակավայրերի համար։ Գեղարքունիքի մարզպես Կարեն Սարգսյանը ներկայացրել է զբոսաշրջության եւ էկոտուրիզմի զարգացումը՝ որպես Գեղարքունիքի նման մարզի գզարգացման լծակ՝ ի նպաստ գյուղական համայնքների։
Նշենք, որ համաժողովը կազմակերպվել է Լիոնի քաղաքապետարանի, Լիոնի մետրոպոլիայի, Հայաստանի համայնքների միության և Cités Unies France-ի կողմից՝ Ֆրանսիայի Եվրոպայի և արտաքին գործերի նախարարության և Հայաստանի արտաքին գործերի նախարարության, ՀՀ Տարածքային կառավարման և ենթակառուցվածքների նախարարության աջակցությամբ:
Համաժողովին մասնակցել են Հայաստանի և Ֆրանսիայի պատվիրակությունները: Հայաստանի պատվիրակության կազմում են ՀՀ պետական կառավարման մարմինների ներկայացուցիչներ, մարզպետներ, համայնքների ղեկավարներ:
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ