Այս տարի ԵՀ «Քաղաքապետերի դաշնագիր» նախաձեռնությունն ամփոփում է գործունեության 10-ամյակը: ԵՄ-ի կողմից ֆինանսավորվող այս նախաձեռնությանը միացել են 28 համայնքներ՝ ստանձնելով կամավոր հանձնառություն նվազեցնել համայնքի տարածքում ջերմոցային գազերի արտանետումները մինչև 2020 թ. առնվազն 20%-ով՝ համայնքի կողմից ընտրված ելակետային տարվա արտանետումների համեմատ: Համայնքների ավագանիները հաստատել են Դաշնագրի շրջանակներում մշակված՝ ձեր համայնքների Կայուն էներգետիկ զարգացման գործողությունների ծրագիրը (ԿԷԶԳԾ):

Համայնքներից շատերն արդեն միացել են Դաշնագրի նոր` ավելի հավակնոտ նպատակներ թիրախավորող փուլին` «Քաղաքապետերի դաշնագիր հանուն կլիմայի և էներգիայի» նախաձեռնությանը:

Հայաստանի համայնքների միությունը շնորհակալություն է հայտնում Դաշնագրին անդամակցող համայնքներին համագործակցության, նախաձեռնողականության և հետևողականության համար և ակնկալում նորանոր ձեռքբերումներ էներգախնայողության և էներգաարդյունավետության ոլորտում:

Նշենք՝ Հայաստանի համայնքների միությունը Ծրագրի գործընկեր կազմակերպությունն է:

Ծրագրի 10-ամյակի առիթով պատրաստվել է ԵՀ «Քաղաքապետերի դաշնագիր» նախաձեռնության տասնամյա գործունեության մասին պատմող տեղեկատվական բրյոշուր, որտեղ ներկայացված են Ծրագրի տասնամյա գործունեության արդյունքներն ու տարբեր երկրներում կատարված աշխատանքը:

Բրյոշուրին կարող եք ծանոթանալ այստեղ