Ապրիլի 23-ին տեղի ունեցավ «Քաղաքացիների ձայնն ու գործունեությունը Հայաստանի խոշորացված համայնքներում» ծրագրի ղեկավար կոմիտեի հեռավար նիստը:

Ծրագիրն իրականացնում է «Համայնքների ֆինանսիստների միավորումը» (ՀՖՄ) «Հայաստանի համայնքների միության» (ՀՀՄ) և «Տեղական ժողովրդավարության գործակալությունների ասոցիացիայի» (ԱԼԴԱ) հետ համատեղ: Ծրագիրը ֆինանսավորում է Եվրոպական միությունը:

Ղեկավար կոմիտեի նիստի ընթացքում քննարկվեցին «Քաղաքացիների ձայնն ու գործունեությունը Հայաստանի խոշորացված համայնքներում» ծրագրի շրջանակում միջհամայնքային մակարդակում ենթադրամաշնորհների մրցույթին ներկայացված ծրագրեր:

Հեռավար նիստի ընթացքում ներկայացվեցին լավագույն տասնյակում հայտնված ծրագրեր: Որոշումներ կայացվեցին ծրագրերի վերջնական հաստատման հարցով:

Հանդիպման մասնակիցները քննարկեցին նաև «Քաղաքացիների ձայնն ու գործունեությունը Հայաստանի խոշորացված համայնքներում» ծրագրի ընթացքը և ներկայիս իրավիճակով պայմանավորված՝ անհրաժեշտ փոփոխությունների հարցը:

Նշենք, որ «Քաղաքացիների ձայնն ու գործունեությունը Հայաստանի խոշորացված համայնքներում» ծրագրի շրջանակում դրամաշնորհային մրցույթի արդյունքում տրված դրամաշնորհները միտված են խթանելու զբոսաշրջությունը և բացօթյա հանգստի զարգացումը՝ օգտագործելով համայնքային ռեսուրսները: Կիրառվելու է «Տարածքային մոտեցում տեղական զարգացմանը (TALD)», որը ներքևից վերև, դինամիկ և երկարաժամկետ գործընթաց է՝ հիմնված է բազմամրցակցային և բազմաոլորտային մոտեցման վրա։ Նման մոտեցումը ենթադրում է տեղական տարբեր ինստիտուտներ և դերակատարներ համատեղ աշխատանք՝ առաջնահերթություններ սահմանելու, ինչպես նաև եկամուտ ստանալու, բարեկեցություն ապահովելու համար հատուկ ռազմավարություններ պլանավորելու և իրականացնելու, ինչպես նաև տվյալ տարածքի բնակչության բարեկեցությունը բարձրացնելու նպատակով:

Ծրագիրը հիմնված է լինելու տարբեր շահառուների միջև համագործակցության, այդ թվում՝ մարզային իշխանությունների և տեղական ինքնակառավարման մարմինների, ՀԿ-ների, իսկ անհրաժեշտության դեպքում նաև բիզնես ոլորտի հետ համագործակցության վրա: