Կայուն Էներգիայի օր՝ Գավառում. Գավառի կայուն էներգետիկ զարգացման և կլիմայի պահպանության ծրագիրն արդեն պատրաստ է

Կայուն Էներգիայի օր՝ Գավառում. Գավառի կայուն էներգետիկ զարգացման և կլիմայի պահպանության ծրագիրն արդեն պատրաստ է

25.06.2019

Հունիսի 25-ին Գեղարքունիքի մարզի Գավառ քաղաքում անցկացվեց Կայուն Էներգիայի օր, որը կազմակերպվեց ավանդաբար հունիսին նշվող ԵՄ կայուն էներգիայի շաբաթվա շրջանակներում:

ԵՀ «Քաղաքապետերի դաշնագիր՝ Արևելք» (CoM East) ծրագրի և Գավառի համայնքապետարանի կողմից համատեղ կազմակերպված «Կայուն էներգիայի օր Գավառում» միջոցառման շրջանակում անցկացվեց «Կանաչ ապագա» խորագրով մանկապատանեկան ցուցահանդես -մրցույթ: Մրցույթին ներկայացված էին համայնքի արվեստի դպրոցի և այլ կրթօջախների սաների էներգախնայողության և վերականգնվող էներգետիկային առնչվող նկարները: Հաղթողները հուշանվերներ ստացան Ծրագրի և համայնքապետարանի կողմից:

Այնուհետև ՄԱԿ-ի Զարգացման ծրագրի (ՄԱԶԾ) և Հայաստանի Վերականգնվող էներգետիկայի և էներգախնայողության հիմնադրամի (ՀՎԷԷ) հետ համագործակցաբար անցկացվեց ուսուցողական աշխատաժողով, որի ընթացքում ներկայացվեցին Քաղաքապետերի դաշնագրի հիմնական նպատակները և զարգացումները, ինչպես նաև համայնքների հանձնառությունները և գործողությունները:

ՄԱԶԾ ու ՀՎԷԷ հիմնադրամի փորձագետների կողմից ներկայացվող նյութերի շնորհիվ աշխատաժողովի մասնակիցները ծանոթացան փողոցային լուսավորության համակարգերում և շենքերում ժամանակակից էներգաարդյունավետ տեխնոլոգիաների կիրառման հիմնական մոտեցումներին, ինչպես նաև վերականգնվող էներգետիկ ռեսուրսների շնորհիվ ջերմային և էլեկտրական էներգիայի

Գավառի քաղաքապետի տեղակալ Գրիգոր Բոշյանը ողջույնի խոսքում կարևորեց համայնքի՝ Դաշնագրին անդամակցությունը և դրա օգտակարությունը, այնուհետև տեղեկացրեց, որ համայնքում կազմակերպված Կայուն էներգիայի օրն ունի համայնքի բնակիչներին և հատկապես երեխաներին իրազեկման նպատակ:

Գավառի համայնքապետարանի Իրավատնտեսագիտական բաժնի գլխավոր մասնագետ, ԵՄ ծրագրեր պատասխանատու Վարսենիկ Խաչատրյանը ներկայացրեց, թե երբ է Գավառը միացել Դաշնագրին, ինչ ծրագրեր են իրականացվել: Նա տեղեկացրեց. «Համայնքի Կայուն էներգետիկ զարգացման և կլիմայի պահպանության գործողությունների ծրագրում սահմանված նպատակներին հասնելու համար անհրաժեշտ է լուծել էներգաարդյունավետության խնդիրը, էներգախնայող ծրագրերի իրականացմամբ ժամանակակից էներգետիկ տեխնոլոգիաների ներդրման միջոցով, համայնքային հաստատությունների կողմից անհրաժեշտ է իրականացնել էներգակիրների սպառման ծավալների նվազեցմանը նպաստող միջոցառումներ»:

Հայաստանում ԵՀ «Քաղաքապետերի դաշնագիր՝ Արևելք» ծրագրի փորձագետ Արտեմ Խարազյանը նշեց. «Համայնքի կողմից ներկայացված կայուն զարգացման ծրագրի հիմնական նպատակն է նշանավորել այն գործողությունները, որոնք համայնքը տասը տարվա ընթացքում պետք է իրականացնի, որ նվազեցնի ջերմոցային գազերի արտանետումները 30%-ով մինչև 2030 թվական: Հիմնական գործողությունները պետք է ուղղված լինեն էներգասպառման նվազեցմանը և վերականգնվող էներգետիկ ռեսւորսների հաշվին էներգիայի տեղական արտադրության զրգացմանը համայնքում: Սրանք են այն հիմնական գործողությունները, որոնք նշված են ռազմավարությունում»:

«Քաղաքապետերի դաշնագիր՝ Արևելքը» (CoM East) ծրագիրը ֆինանսավորվում է ԵՄ կողմից և իրականացվում է Արևելյան գործընկերության 6 երկրներում: Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը: Դաշնագրի ազգային աջակիցներից է Հայաստանի համայնքների միությունը:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում:

 


ՆՈՐՈՒԹՅՈՒՆՆԵՐ

Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025
Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025

18:52

29 08 2025

Օգոստոսի 28-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...

Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում
Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում

18:37

29 08 2025

Օգոստոսի 28-ին Աբովյանի երեխաների աջակցության կենտրոնում կազմակերպված պարգևատրման արարողության...

Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

18:28

29 08 2025

Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից...

Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն
Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն

18:39

26 08 2025

Իջևանի համայնքապետարանում օգոստոսի 25-ին «Քաղաքապետերի դաշնագիր՝ Արևելք» ծրագրի...

Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները
Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները

17:47

26 08 2025

Օգոստոսի 25-ին «Արթիկի երիտասարդների տուն» կենտրոնում կազմակերպված պարգևատրման...

Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

14:43

26 08 2025

Օգոստոսի 25-ին Թալին համայնքում «Քաղաքապետերի դաշնագիր՝ Արևելք» ծրագրի կողմից...