ՄԱԿ-ի Կապիտալ զարգացման հիմնադրամը (UNCDF) հրապարակել է տեղական իշխանությունների համար պատրաստված «Արձագանքման միջոցառումները COVID-19 կորոնարվիրուսային պանդեմիայի հետ կապված արտակարգ իրավիճակում» ուղեցույցը:

Փաստաթուղթը ունի խորհրդատվական բնույթ, պարունակում է հիմնական (ընդհանուր) տեղեկատվություն և կարող է հարմարեցվել հատուկ հանգամանքներին կամ իրավիճակներին: Հիմնական ուշադրությունը դարձվում է այն արձագանքման միջոցներին, որոնք կարող են իրականացվել մի քանի օրերի կամ շաբաթների, այլ ոչ թե ամիսների կամ տարիների ընթացքում:

Փաստաթղթում նշվում է, որ COVID-19- ի դեմ պայքարի փորձը ցույց է տալիս  տեղական մակարդակում արագ և արդյունավետ գործողություններ իրականացնելու կարևորությունը՝ վիրուսի տարածումը դանդաղեցնելու առումով:

Ընդգծվում է, որ տեղական իշխանությունները կարող են սկզբունքային դեր ունենալ համաճարակի դեմ պայքարում, քանի որ նրանք ունեն եզակի հնարավորություններ համաճարակի դեմ արձագանքման համապարփակ միջոցառումների ձևավորման, ճշգրտման և իրականացման համար:

Փաստաթղթին ամբողջության կարող եք ծանոթանալ այստեղ: