Եվրոպայի տարածքում կոռուպցիան տեղական և տարածքային իշխանությունների համար հիմնական մարտահրավերն է, և տեղական իշխանություններն արժե, որ այն համարեն որպես հրատապ խնդիր:

Այս խնդիրը շոշափելու և տեղական իշխանություններին՝ խնդիրն ավելի լավ հասկանալու և ռիսկերը գնահատելու, համապատասխան գործողություններ մշակելու հարցում օգնելու նպատակով Եվրոպայի խոհրդի տեղական և տարածքային իշխանությունների կոնգրեսը (Կոնգրես) մշակել է Կոռուպցիայի կանխարգելման տեղական մակարդակում հանրային էթիկայի խթանմանն ուղղված գործողությունների ճանապարհային քարտեզ: 

Եվրոպայի խորհրդի Կոնգրեսի կողմից «Հայաստանի համայնքների միության ինստիտուցիոնալ կարողությունների ամրապնդում և Հայաստանում թափանցիկ և մասնակցային տեղական ինքնակառավարման խթանում» հայաստանյան ծրագրի շրջանակներում հրատարակված Հանրային էթիկա ձեռնարկների շարքը ներառում է 8 ձեռնարկներ, որոնք նախատեսված են ինչպես տեղական ինքնակառավարման մարմինների ներկայացուցիչների, այնպես էլ ավելի լայն լսարանի համար:

Կոռուպցիայի ռիսկը նվազեցնելու և տեղական և տարածաշրջանային քաղաքականության մշակողների նկատմամբ հասարակության վստահության բարձրացման համար անհրաժեշտ է նաև խթանել տարածքային ընտրված ներկայացուցիչների համար ընդհանուր բարոյական չափանիշների կիրառումը: Այս նպատակով մշակվել է Վարքագծի եվրոպական կանոնակարգ՝ տեղական և տարածքային կառավարման մարմիններում ներգրավված բոլոր անձանց համար, որը հասանելի է նաև հայերեն: 

Այստեղ այն վարքագծային կանոններն են, որոնք պետք է  իրականացնել ամենօրյա ռեժիմով՝ հաշվետվողականություն, թափանցիկություն,  անկաշառություն, խտրականության բացառում, արժանապատվություն և անկողմնակալություն:

«Հանրային բարեվարքությունը և էթիկան տեղական կառավարման համակարգում» փորձագիտական հանրույթն այս վարքագծային կանոնների՝ տեղական մակարդակում տեղայնացման հարցում մեծ դերակատարություն ունի: Հանրույթը Հայաստանում ձևավորվել է մարտ ամսին:

ԵԽ Կոնգրեսի հայաստանյան ծրագրի շրջանակներում հրատարակված Հանրային էթիկա ձեռնարկների շարքի էլեկտրոնային տարբերակները կարող եք տեսնել այս հղմամբ: