Հայաստանի համայնքների միության նախաձեռնությամբ օգոստոսի 26-ին տեղի է ունեցել «Վարչատարածքային փոփոխությունները (խոշորացումը) Հայաստանում» թեմայով քննարկում: Քննարկմանը մասնակցել են Հայաստանի համայնքների ներկայացուցիչներ:

Հայաստանի համայնքների միության նախագահ Էմին Երիցյանը ներկայացրել է՝ ՀՀ կառավարությանի կողմից շրջանառության մեջ դրված՝ համայնքների միավորման նախագծի համաձայն՝ ինչ փնջերով է նախատեսում համայնքների միավորումը: Այնուհետև պատասխանել է համայնքների ներկայացուցիչների հարցերին:

Քննարկման մասնակիցներից շատերը մտահոգություն են հայտնել, որ մինչ նախագծի ներկայացումը որևէ քննարկում տեղի չի ունեցել համայնքների ներկայացուցիչների հետ:

Հղում կատարելով ՀՀ օրենսդրությանը՝ արձանագրվել է՝ համայնքների միավորումը պիտի տեղի ունենա՝ հանրային շահի անհաժեշտությունից ելնելով, մինչդեռ շատ դեպքերում տեսանելի չէ հանրային շահը: Անդրադարձ է կատարվել նաև համայնքների՝ լսված լինելու իրավունքին և փաստվել, որ համայնքները պաշտոնական ծանուցումներ չեն ստացել ՀՀ կառավարության ներկայացրած նախագծի հետ կապված:

Նշենք, որ համայնքների ներկայացուցիչներից շատերը հարցուպատասխանի փուլում կարծիք են հայտնել, որ այս պահին համայնքների միավորման գործընթացն իրականացնելը նպատակահարմար չէ:

Քննարկման դրված նախագծերին կարող եք ծանոթանալ հետևյալ հղումներով

https://www.e-draft.am/projects/3511?fbclid=IwAR0Q4losXUSp4Tb-bKpRiy7vnKCh7CIhyXyBaeslg_upOKpwIjR_VKyJOdk

https://www.e-draft.am/projects/3510?fbclid=IwAR30McXqxzXbBwl_bt_9kYr6ORiGu7KE-0GZszrKxgaO7eFAUkzb1tDeinA