Փետրվարի 2-ից 5-ը Ստոկհոլմում (Շվեդիա) տեղի ունեցավ բարձր մակարդակի ուսումնական այց Այցը կազմակերպվել էր ՍԱԼԱՐ ինթերնեշնլի կողմից իրականացվող «Աջակցություն Հայաստանում ապակենտրոնացմանը և տեղական ինքնակառավարման բարեփոխումներին» (ԴեաԼոԳ) ծրագրի շրջանակներում։ Հայկական պատվիրակության կազմում էր նաև Երևանի քաղաքապետ Տիգրան Ավինյանը։

Այցի մեկնարկին, քաղաքապետ Տիգրան Ավինյանը ՍԱԼԱՐ-ի գլխամասային գրասենյակում հանդիպել է ՍԱԼԱՐ-ի (Շվեդիայի տեղական ինքնակառավարման մարմինների և տարածաշրջանների ասոցիացիա) առաջին փոխնախագահ Լիֆ Սանդբերգի, ՍԱԼԱՐ ինթերնեշնլի գործադիր տնօրեն Ռայան Նոքսի և ՍԱԼԱՐ ինթերնեշնի ծրագրերի ղեկավար Լենա Ֆալկոնի հետ։ Նույն օրը ՍԱԼԱՐ-ի գլխամասային գրասենյակում քաղաքապետը ծանոթացել է նաև կրթության և ֆինանսական ապակենտրոնացման վերաբերյալ շվեդական փորձին, մասնակցել շվեդական համարհարթեցման համակարգին վերաբերող քննարկմանը։ Հանդիպումների շրջանակներում, Տիգրան Ավինյանը աշխատանքային ճաշ է ունեցել Շվեդիայում Հայաստանի դեսպան տիկին Աննա Աղաջանյանի հետ, ինչպես նաև արտաքին գործերի նախարարությունում հանդիպել Շվեդիայի թագավորության արտաքին գործերի պետական քարտուղար Կարին Յուհլինին։ Այնուհետև պատվիրակության կազմում, Տիգրան Ավինյանն այցելել է Ստոկհոլմի քաղաքապետարան, հանդիպել քաղաքապետ Օլե Բարրելի հետ, շրջել քաղաքապետարանում։ Ոսումնական այցի վերջին օրը, Տիգրան Ավինյանը մասնակցել է Շվեդիայի թագավորության խորհրդարանում իրականացված ճանաչողական շրջայցին։