Քննարկվեցին Հայ-ֆրանսիական ապակենտրոնացված համագործակցության 4-րդ համաժողովի անցկացմանն առնչվող հարցեր

Քննարկվեցին Հայ-ֆրանսիական ապակենտրոնացված համագործակցության 4-րդ համաժողովի անցկացմանն առնչվող հարցեր

08.09.2020

Սեպտեմբերի 7-ին տեղի ունեցավ Հայ-ֆրանսիական ապակենտրոնացված համագործակցության ղեկավար կոմիտեի նիստ: 

Այն անցկացվեց առցանց եղանակով: Նիստի ընթացքում քննարկվեցին Հայ-ֆրանսիական ապակենտրոնացված համագործակցության 4-րդ համաժողովի ժամկետների հետ կապված հարցեր: Հայ-ֆրանսիական ապակենտրոնացված համագործակցության 4-րդ համաժողովը նախատեսվում է անցկացնել 2021 թվականին:

Հայ-ֆրանսիական ապակենտրոնացված համագործակցության ղեկավար կոմիտեի նիստի ընթացքում քննարկվեցին նաև համաժողովի տարբեր աշխատաժողովներին՝ խելացի քաղաքներ, գյուղական զարգացում և տուրիզմ, առնչվող հարցեր:

Հայ-ֆրանսիական ապակենտրոնացված համագործակցության մասին

Հայ-ֆրանսիական ապակենտրոնացված համագործակցությունը երկու երկրների միջև բարեկամության երկար պատմության մասն է կազմում: Այսօր առկա են շուրջ երեք տասնյակ համագործակցություններ։ Ապակենտրոնացված համագործակցությունը ուղղված է տեղական համայնքների զարգացմանը և նպաստում է հայկական և ֆրանսիական տեղական իշխանությունների փորձի փոխանակմանը և համատեղ նշանակություն ունեցող խնդիրների քննարկմանը:

Առաջին Հայ-ֆրանսիական ապակենտրոնացված համագործակցության Համաժողովը կայացավ Երևանում 2010 թ. հոկտեմբերին: Այն համախմբեց գրեթե 30 համայնքներ ներկայացնող 250 մասնակցի, որոնք կենտրոնացան չորս թեմաների շուրջ. տեղական կառավարում և կադրերի պատրաստում, տնտեսական զարգացում, զբոսաշրջություն և գյուղական զարգացում, ֆրանսերենի ուսուցանում, ինչպես նաև համագործակցությունների փոխադարձ բաշխում: Համաժողոի ընթացքում Ֆրանսիայի Միավորված Քաղաքների կողմից ստեղծվեց «Հայաստան» խումբ, որի նպատակն է աջակցել հայ և ֆրանսիական տեղական իշխանությունների համագործակցությանը: Հայաստանի համայնքների միության շրջանակներում կազմավորվեց «ֆրանսիա» Խումբը՝ նույն նպատակով։

2013 թվականի հոկտեմբերին Վալանսում տեղի ունեցած երկրորդ համաժողովը եզրափակվեց մասնակից ֆրանսիական և հայկական տեղական համայնքների պատվիրակների կողմից Վալանսի հռչակագրի ընդունմամբ, որը սահմանեց համագործակցության ոլորտային նպատակներ և առաջարկություններ՝ վերահաստատելով հետագա համագործակցության կարևորությունը:

Հայ-ֆրանսիական ապակենտրոնացված համագործակցության երրորդ համաժողովն անցկացվել է 2016թ. դեկտեմբերի 1-ից 2-ը Երևանում: Հայաստանի համայնքների միության և Ֆրանսիայի միավորված քաղաքներ ասոցիացիայի համագործակցությամբ կազմակերպված այս միջոցառումը համախմբել էր ավելի քան 200 մասնակիցների: Համաժողովի ավարտին, 2016 թվականի դեկտեմբերի 2-ին ընդունված եզրափակիչ Երևանի հռչակագիրը սահմանում է հաջորդ երեք տարվա անելիքները՝ որպես գերակայություն ընդունելով տարածքների տնտեսական զարգացումը:


ՆՈՐՈՒԹՅՈՒՆՆԵՐ

Սեմինար-վերապատրաստումներ համայնքի ղեկավարների, ավագանու անդամների և համայնքային ծառայողների համար
Սեմինար-վերապատրաստումներ համայնքի ղեկավարների, ավագանու անդամների և համայնքային ծառայողների համար

14:38

24 09 2020

Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացնում է...

ԵԽ Կոնգրեսը կոչ է անում տեղական իշխանություններին աջակցել երիտասարդական աշխատանքին և երկխոսության մեջ լինել նրանց հետ
ԵԽ Կոնգրեսը կոչ է անում տեղական իշխանություններին աջակցել երիտասարդական աշխատանքին և երկխոսության մեջ լինել նրանց հետ

10:16

18 09 2020

Եվրոպայի խորհրդի տեղական և տարածքային իշխանությունների կոնգրեսն (ԵԽ Կոնգրես) Ընթացիկ հարցերի...

Եվրոպայի խորհրդի կոնգրեսի հանձնաժողովները վերսկսում են հանդիպումները
Եվրոպայի խորհրդի կոնգրեսի հանձնաժողովները վերսկսում են հանդիպումները

11:39

15 09 2020

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) վերսկսում է...

Տեղի կունենա «Էներջի Սիթիզ» կազմակերպության ընդհանուր ժողովը
Տեղի կունենա «Էներջի Սիթիզ» կազմակերպության ընդհանուր ժողովը

15:12

14 09 2020

Սեպտեմբերի 17-ին տեղի կունենա «Էներջի Սիթիզ» կազմակերպության ընդհանուր ժողովը: Այն...