Փետրվարի 23-ին տեղի է ունեցել Հայաստանի համայնքների միության վերստուգիչ հանձնաժողովի նիստը:

Նիստին քննարկվել է Միության 2020 թվականի ֆինանսատնտեսական գործունեության արդյունքները։

2020 թվականի ցուցանիշները դիտարկվել են ԵԽ-ի փորձագիտական աջակցությամբ մշակված բյուջեի կատարման ու հաշվետվողականության էլեկտրոնային ձևաչափում։ Դիտարկվել է, որ ձևը լրամշակման ու շտկման կարիք ունի։

Քննության է առնվել 2020 թվականին ու նախորդող տարիներին անդամավճարների հավաքագրման արդյունքներն ու համեմատականները։ Գնահատվել է 2019 թվականին Միության Հանրապետական խորհրդի կողմից անդամավճարների չափի վերաբերյալ կատարված մասնակի փոփոխությունների դրական ու բացասական ազդեցությունը  անդամավճարների հավաքագրման ցուցանիշների վրա։

Հանձնաժողովը քննարկել է Միության ֆինանսական կառավարման ռազմավարության հիման վրա մշակված Միության ֆոնդահայթայթման ռազմավարության նորացված նախագիծը։

Ուսումնասիրվել է Միության 2017-2018-2019 թթ. ֆինանսական գործունեության աուդիտի արդյունքները, քննարկվել 2020թ. ֆինանսական գործունեության աուդիտ անցկացնելու հարցը։

Քննարկվել են 2020թ. ընթացքում Միության կառավարման կանոնադրական մարմինների գործունեությանն առնչվող և այլ հարցեր: