Մոտենում են ԵՄ կայուն էներգիայի օրերը: Արդեն ավանդական դարձած ԵՄ Կայուն էներգիայի շաբաթը (EU Sustainable Energy Week) 2022 թվականին կանցկացվի սեպտեմբերի 26-ից մինչև 30-ը:

Հաշվի առնելով 2019-2020թթ. ԵՄ Կայուն էներգիայի շաբաթում Քաղաքապետերի դաշնագրին Covenant of Mayors - East անդամակցող հայաստանյան համայնքների ակտիվ մասնակցության լավ ավանդույթը, «Քաղաքապետերի դաշնագիր-III» ծրագրի գործընկեր Հայաստանի համայնքների միությունը կոչ է անում համայնքներին մասնակցել 2022 թվականին անցկացվող ԵՄ Կայուն էներգիայի շաբաթվան՝ կազմակերպելով և անցկացնելով համապատասխան միջոցառումներ:

Սեպտեմբերի 7-ին անցկացվեց ԵՄ Կայուն էներգիայի շաբաթվա շրջանակներում միջոցառումների կազմակերպմանը նվիրված տեղեկատվական վեբինար։ Մասնակցեցին են ՀՀ տասնյակ համայնքների ներկայացուցիչներ։ Քննարկվեցին կայուն էներգիայի օրերի բովանդակային և կազմակերպչական հարցեր։

ԵՄ «Քաղաքապետերի դաշնագիր՝ Արևելք» ծրագիրը, որի գործընկերն է Հայաստանի համայնքների միությունը, պատրաստ է տրամադրել տեղեկատվական և խորհրդատվական աջակցություն միջոցառումների կազմակերպման համար: