Փետրվարի 28-ին Երևանում հրավիրված քննարկմանը ներկայացվեց Եվրոպայի խորհրդի տեղական ու տարածքային իշխանությունների Կոնգրեսի կողմից պատրաստված «Տեղական ինքնակառավարման եվրոպական խարտիան Հայաստանում» մոնիտորինգային զեկույցի և հանձնարարականների նախագիծը։

Հայաստանի համայնքների միության նախաձեռնությամբ անցկացված հանդիպմանն առաջին անգամ հանրայնացվեց նաև Եվրոպայի խորհրդի տեղական ու տարածքային իշխանությունների Կոնգրեսի կողմից պատրաստված «Տեղական ինքնակառավարման եվրոպական խարտիան Հայաստանում» մոնիտորինգային զեկույցի և հանձնարարականների նախագիծը։ Այն հաստատվել է Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) Մոնիտորինգի հանձնաժողովի նիստին: Զեկույցում ներկայացված են Հայաստան կատարված մոնիտորինգային այցի արդյունքները, Հայաստանի պարտավորություններն ու հանձնառությունները, տեղական ինքնակառավարման մարմինների միավորման իրավունքը և այլ հարցեր: Առանձին բաժնով ներկայացված են նաև մտահոգություններն ու եզրակացությունները: Փորձագետների մասանակցությամբ քննարկում ծավալվեց Տեղական ինքնակառավարման եվրոպական խարտիայի կարգհորոշումների հետ կապված: Ներկայացվեցին այն հանձնարարականները, որոնք ամրագրված են Հայաստանի մասին զեկույցում:

Միջոցառման ընթացքում ՏԻՄ-երի ներկայացուցիչներ, համայնքի ղեկավարներ, քաղհասարակության, խորհրդարանական և արտախորհրդարանական ուժերի ներկայացուցիչներ, փորձագետներ քննարկեցին զեկույցում ներառված մտահոգություններն ու դիրքորոշումները: