«Յուրաքանչյուր  քաղաքացի ինքը պետք է սոցիալական պատասխանատվություն ունենա իր և շրջապատի նկատմամբ». Բյուրեղավան համայնքի ղեկավար

«Յուրաքանչյուր քաղաքացի ինքը պետք է սոցիալական պատասխանատվություն ունենա իր և շրջապատի նկատմամբ». Բյուրեղավան համայնքի ղեկավար

25.03.2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ համայնքներում: «Համայնքներն արտակարգ դրության ժամանակ» խորագրի ներքո իրականացվող նախաձեռնության շրջանակներում ներկայացնում ենք տեղեկություններ Բյուրեղավան համայնքում կորոնավիրուսի կանխարգելման համար իրականացվող աշխատանքների վերաբերյալ:

Զրուցեցինք Բյուրեղավան համայնքի ղեկավար Հակոբ Բալասյանի հետ:

-Այս օրերին ինչպե՞ս է ընթանում համայնքային կյանքը Բյուրեղավան համայնքում:

-Այս օրերին  համայնքում  կյանքն   ընթանում է  համաձայն ՀՀ պարետի  կողմից   սահմանված  սահմանափակումների   և ռեժիմի:   Չեն աշխատում  նախադպրոցական,  արտադպրոցական, կրթական ու մշակութային կազմակերպությունները: 

-Համայնքում ի՞նչ միջոցառումներ են իրականացվում կորոնավիրուսի կանխարգելման համար:

-Կորոնավիրուսային վարակի դեպքերով պայմանավորված՝  համայնքապետարանում  ստեղծվել է   ձեռնարկվող միջոցառումների համակարգման շտաբ և արագ արձագանքող թիմ:  Շտաբը  ղեկավարում  եմ ես:  

Իրականացրել  և շարունակում ենք  իրականացնել  կանխարգելիչ մի շարք միջոցառումներ:  Արդեն մի քանի օր է ախտահանման աշխատանքներ են կատարվում  համայնքի բոլոր թաղամասերում, գլխավոր ու երկրորդական փողոցներում, շենքերի մուտքերում,   վերելակներում, քլորաջրով մաքրվում են կանգառները: Խիստ հետևում ենք  նաև հասարակական տրանսպորտին: «Բյուրեղավան» համատիրությունը, «Բարեկարգում  և կանաչապատում»  կազմակերպությունը սերտ համագործակցում են, ինչի արդյունքում  կատարում  ենք մեր  առջև դրված բոլոր խնդիրները:

Նշեմ նաև, որ Բյուրեղավանի քաղաքային պոլիկլինիկայում քաղաքացիների մուտքը թույլատրվում է միայն պաշտպանիչ դիմակներով: Ջերմող հիվանդներին սպասարկում են 1-ին հարկում, որտեղ ունեն առանձնացված սենյակ: Իրականացվում է տնային հսկողություն` ջերմող հիվանդների նկատմամբ: Ակտիվ գործում է համայնքապետարանի ֆեյսբուքյան էջը, որտեղ պարբերաբար իրազեկման աշխատանքներ են տարվում:  

-Ի՞նչ ռեժիմով է աշխատում համայնքապետարանը արտակարգ դրության պայմաններում:

- Բյուրեղավանի համայնքապետարանն աշխատում է արտակարգ ռեժիմով. այն աշխատակիցները, որոնք ունենք մանկահասակ երեխաներ, 60-ն անց են, ռիսկային գոտում են, աշխատում են  տնից: Աշխատակիցներին բաժանվում են պաշտպանիչ դիմակներ, ձեռնոցներ և ախտահանիչ նյութեր:

Վարակի՝ հնարավոր տարածումը կանխարգելելու նպատակով  սահմանափակվել է բնակիչների մուտքը համայնքապետարան:   Կազմակերպվել է դիմումների, գրությունների  առցանց ընդունում և պատասխանում: Նշեմ, որ համայնքի մանկապարտեզում  պահեստավորված մթերքը տեսակավորվել և  բաշխվել է  համայնքի առավել կարիքավոր միայնակ թոշակառուներին:

-Ի՞նչ է արվում համայնքի երեխաների՝ առցանց ուսուցումն ապահովելու համար:

-Օգտվում են ժամանակակից տեխնոլոգիաներից և դասապրոցեսն անցկացնում հեռավար:

-Համայնքում գործո՞ւմ է արդյոք թեժ գիծ, որով համայնքի բնակիչները կարող են կորոնավիրուսին և առողջական խնդիրներին առնչվող՝ իրենց հուզող հարցերի մասին տեղեկատվություն ստանալ:

-Բյուրեղավանի քաղաքային պոլիկլինիկան  աշխատում  է առողջապահության նախարարի հրամանի սահմանված կարգով:   Պոլիկլինիկան շաբաթ և կիրակի օրերին իրականացնում է հերթապահություն՝ 10:00-ից 16:00-ն ընկած ժամանակահատվածում:

Կորոնավիրուսային հիվանդությանը վերաբերող հարցերի դեպքում մեր  քաղաքացիներն օգտվում են  շուրջօրյա  գործող՝  (0222) 6 30 03 հեռախոսահամարից:

-Համայնքն այս պահին հատկապես ո՞ր հարցում օգնության կարիք ունի:

-Համայնքն այս պահին կարիք ունի ախտահանիչ նյութերի ձեռքբերման, էլեկտրոնային ջերմաչափերի և դիմակների:

-Ձեր գնահատմամբ՝ համայնքներն այսօր պատրա՞ստ են դիմակայելու կորոնավիրուսին:

 -Այնքանով, որքանով որ մենք այս ընթացքում կարողացել ենք ընկալել այս խնդիրը. դիմակայելու հիմնական միջոցները՝  հետևել և  ենթարկվել պարետի  և մասնագետների ցուցումներին, լինել կարգապահ, ինքնամեկուսանալ, հնարավորինս կրճատել  շփումները և հետևել պարետատան  ցուցումներին։ Յուրաքանչյուր  քաղաքացի ինքը պետք է սոցիալական պատասխանատվություն ունենա իր և շրջապատի նկատմամբ։

 


ՆՈՐՈՒԹՅՈՒՆՆԵՐ

HELP-ի վերապատրաստման հարթակը՝ ինքնուսուցման և հեռավար կրթության օգտակար գործիք
HELP-ի վերապատրաստման հարթակը՝ ինքնուսուցման և հեռավար կրթության օգտակար գործիք

16:20

06 04 2020

Արտակարգ դրության այս օրերին, ինքնամեկուսացման պայմաններում լավագույն ժամանակն է զբաղվել...

«Պետք է եղել՝ ես եմ դեղատան աշխատակցի հետ գնացել քաղաք, որ անհրաժեշտ նյութեր առնենք, բերենք, քանի որ ճանապարհը փակ է». Օշական համայնքի ղեկավար
«Պետք է եղել՝ ես եմ դեղատան աշխատակցի հետ գնացել քաղաք, որ անհրաժեշտ նյութեր առնենք, բերենք, քանի որ ճանապարհը փակ է». Օշական համայնքի ղեկավար

13:47

06 04 2020

ՀՀ Արագածոտնի մարզի Օշական համայնքում բնակիչները հիմնականում պահպանում են ինքնամեկուսացման...

Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում
Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում

19:17

03 04 2020

ՀՀ Արագածոտնի մարզի Աշտարակ համայնքի բոլոր մուտքերին ու ելքերին, համայնքի ամբողջ տարածքում...

Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան
Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան

14:25

03 04 2020

ՀՀ Արարատի մարզի Արարատ քաղաքում ինքնամեկուսացման կանոնները քաղաքացիները պահպանում են բավարար...

«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին
«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին

19:18

02 04 2020

Հայաստանի համայնքների միությունը շարունակում է ներկայացնել, թե արտակարգ դրության օրերին...

«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար
«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

12:42

02 04 2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ...