Համագործակցություն քաղաքների կայուն զարգացման ուղղությամբ. ընդհանուր մարտահրավերներ, ընդհանուր լուծումներ

17.06.2019

Ծրագիրն իրականացվում է Հայաստանի համայնքների միության կողմից՝ Վիշեգրադի միջազգային հիմնադրամի /Visegrad Fund ֆինանսական աջակցությամբ:

Վիշեգրադի միջազգային հիմնադրամը/Visegrad Fund դոնոր կազմակերպություն է, որը հիմնադրվել է 2000 թ.-ին Վիշեգրադի խմբի երկրների կառավարությունների կողմից՝ Չեխիա, Հունգարիա, Լեհաստան և Սլովակիա, որպեսզի նպաստի տարածաշրջանային համագործակցությանը Վիշեգրադի մարզում (V4), ինչպես նաև V4 տարածաշրջանի և այլ երկրների միջև, մասնավորապես Արևմտյան Բալկանների և Արևելյան գործընկերության շրջաններում: Հիմնադրամի առաքելությունը Կենտրոնական Եվրոպայում տարածաշրջանային կայուն համագործակցությանը միտված գաղափարների առաջմղումն է:

Ծրագրի գործընկերներն են.

Լեհաստանի քաղաքների ասոցիացիա/Związek Miast Polskich, Սլովակիայի քաղաքների միություն/ Union of Towns and Cities of Slovakia, Հունգարիայի տեղական իշխանությունների ազգային ասոցիացիա/Települési Önkormányzatok Országos Szövetsége, Ռադլոյի քաղաքապետարան/Rádlo municipality:

Լեհաստանի քաղաքների ասոցիացիան/Związek Miast Polskich Լեհաստանի քաղաքների ասոցիացիան գործունեություն է ծավալում 1990 թվականից: Այն աջակցում է լեհական քաղաքների տնտեսական և սոցիալ-մշակութային զարգացմանը, ասոցիացիան առաջարկում է փորձաքննություն և էական աջակցություն, ռազմավարական կառավարման աջակցություն, փորձի փոխանակում:

Սլովակիայի քաղաքների միությունը/ Union of Towns and Cities of Slovakia Սլովակիայի քաղաքների միությունը տեղական ինքնակառավարման ոլորտում մոտ 25 տարվա գործունեության փորձ ունի: Այն խթանում է քաղաքների դերը Սլովակիայում ապակենտրոնացման և պետական կառավարման համակարգի արդիականացման գործընթացում, ապահովում, ղեկավարում և համակարգում է քաղաքների փոխադարձ համագործակցությունը ընդհանուր հիմնախնդիրների լուծման գործում ՝ լիակատար պատասխանատվությամբ տարածաշրջանի զարգացման համար, մշակում ռազմավարական և զարգացման կարևորագույն փաստաթղթեր և ազգային ծրագրեր: Միությունն աջակցում և համակարգում է քաղաքների փոխադարձ համագործակցությունը տեղական և տարածաշրջանային զարգացման ծրագրերում:

Հունգարիայի տեղական իշխանությունների ազգային ասոցիացիան/Települési Önkormányzatok Országos Szövetsége Հունգարիայի տեղական իշխանությունների ազգային ասոցիացիան հիմնվել է 2009 թվականին՝ որպես Քաղաքապետերի ակադեմիա, որն առաջարկում է դասընթացներ քաղաքապետերի և քաղաքապետարանների փորձագետների համար: Կազմակերպությունը զգալիորեն նպաստել է տեղական իշխանությունների ժողովրդավարացմանը, նրանց կոմունալ և տեղական ռեսուրսների ամրապնդմանը: Կազմակերպության անդամներն են ավելի քան 1600 տեղական ինքնակառավարման մարմիններ: Իր անդամներին կազմակերպությունն առաջարկում է տարբեր ծառայություններ՝ օժանդակություն օտարերկրյա տեղական ինքնակառավարման մարմինների հետ համագործակցությանը, տեղական ինքնակառավարման մարմինների լավագույն փորձի խթանում և այլն:

Ռադլոյի քաղաքապետարանը/Rádlo municipality տիպիկ ծայրամասային քաղաքային մինիցիպալիտետ է Լիբերեկ շրջանում: Ռադլոյի մասին առաջին վկայությունը պատմությունից հայտնի է 1419 թվականին: Համայնքը հիմնադրվել է 1938 թվականին: